1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

የቱኒዝያ የፓርላማ ምርጫ

የአረብ አብዮት የትዉልድ ቦታ በሆነችዉ በቱኒዝያ ዛሬ የመጀመርያ የፓርላማ ምርጫ ሲደረግ ዋለ።

በምርጫዉ አምስት ሚሊዮን ነዋሪ ድምፁን እንዲሰጥ ተጠርቶአል። በከፍተኛ ጥበቃና ቁጥጥር የተካሄደዉ የቱኒዚያ ምርጫ የቀድሞ ፕሬዚዳንት ቤን አሊን በመቃወም ህዝባዊ አመጽ በተቀሰቀሰባት በትንሽዋ የቱኒዝያ ከተማ ሲዲ ቦዉዚዲም ምርጫ መካሂዱ ተመልክቶአል።

በምርጫዉ አብላጫ ድምፅን የሚያገኘዉ እስላማዊዉ «ኢናዳ ፓርቲ» እና ከሃይማኖት ገለልተኛ የሆነዉ «የኒዳ ፓርቲ» እንደሆን ይጠበቃል። በቱኒዝያ በሚገኙ ፖለቲካ ፓርቲዎች መካከል ከፍተኛ መከፋፈል በመኖሩ በሀገሪቱ አዲስ ፓርላማን የመመሥረቱ ሂደት ቀላል እንዳልሆነም ተነግሮአል። ከአራት ዓመት በፊት በቱኒዚያ የተነሳዉ የአረቡ አብዮት በተለያዩ ሀገራት መዛመቱ ይታወቃል። ይህ አብዮት ከተከሳተባቸዉ ሀገሮች መካከል ደግሞ ቱኒዚያ ከአብዮቱ አገግማ በአንጻራዊ የተረጋጋች እና ዲሞክሪያሳዊ መንገድን የያዘች ሀገር መሆንዋ ተነግሮላታል። በቱኒዝያ የፊታችን ህዳር 13 ፕሬዚዳንታዊ ምርጫ እንደሚካሄድም ይጠበቃል።

ልደት አበበ

አዜብ ታደሰ