1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የተቃዋሚዎችና የገዥዉ ፓርቲ ድርድርና ፖለቲካዊ ፋይዳ

የኢትዮጵያ ተቃዋሚ ፓርቲዎች ተወካዮች እና የገዥዉ ፓርቲ ባለስልጣናት ባለፈዉ ሳምንት አዲስ አበባ ላይ ተገናኝተዉ ተወያይተዋል። የኢትዮጵያ መንግሥት ከፍተኛ ሕዝባዊ ተቃዉሞ እና የአደባባይ ሰልፍ ከገጠመዉ ወዲህ ተቃዉሞዉን ለማርገብ ከወሰዳቸዉ ርምጃዎች አንዱ ሃገራዊ በሆኑ ጉዳዮች ላይ ከተቃዋሚ ፓርቲዎች ጋር መወያየት የሚለዉ ነዉ።

አውዲዮውን ያዳምጡ። 35:05

ዉይይት፤ የተቃዋሚዎችና የገዥዉ ፓርቲ ድርድር


በቅርቡ የተደረገዉ የተቃዋሚዎችና የገዥዉ ፓርቲ ዉይይትም በዚሁ በመንግስት እቅድ ላይ የተመሰረተ ነዉ። ዉይይቱ የመነጋገርያ አጀንዳ ለመቅረጽ እና ሃሳቦችን ለመለዋወጥ የተደረገ መሆኑ ከመነገሩ ዉጭ ብዙ ዝርዝር ጉዳዮች እንዳልተነሱበት ተሳታፊዎች ይናገራሉ። አንዳንድ ታዛቢዎች ዉይይቱ ለወደፊቱ ተቃዋሚዎችን ከገዥዉ ፓርቲ ጋር ለማቀራረብ ይጠቅማል ይላሉ። የዛኑ ያክል ዉይይቱን በርካታ ተቃዋሚዎች በተለይም መቀመጫቸዉን ከኢትዮጵያ ዉጭ ያደረጉ ተቃዋሚ ፖለቲከኞችን ያገለለ በመሆኑ ሁሉን አካታች አይደለም ሲሉ ትችት የሚያሰሙ አሉ። በሌላ በኩል መንግሥት በዉይይቱ የሥነ-ምግባር ደንብ ካልፈረሙ ተቃዋሚ ፓርቲዎች ጋር ጭምር እንደሚወያይ ገልጾአል። ይህ ዝግጅታችን የተቃዋሚዎችና የገዥዉ ፓርቲ ዉይይት ያስነሳዉ ክርክርና ፖለቲካዊ ፋይዳዉን ያስቃኛል።  በዉይይቱ ላይ የተሳተፉት ዶ/ር ጫኔ ከበደ የኢትዮጵያ ዴሞክራሲያዎ ፓርቲ «ኢዴፓ» ፕሬዚዳንት ፤ አቶ ሙሉጌታ አበበ የመላው ኢትዮጵያ አንድነት ድርጅት «መኢአድ» ሃላፊነት ምክትል ፕሬዚዳንት፤ ዶ/ር ተሾመ ታፈሰ የአመራርና አስተዳደር ተቋም መምህር፤ እንዲሁም አቶ ዩሱፍ ያሲን የፖለቲካ ተንታኝ ናቸዉ። ሙሉ ዉይይቱን የድምጽ ማድመጫ ማዕቀፉን በመጫን ይከታተሉ።

     
አዜብ ታደሰ

ልደት አበበ

Audios and videos on the topic

ተዛማጅ ዘገባዎች