1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የቦሩስያ ዶርትሙንድ የእግር ኳስ ቡድን አውቶቡስ ጥቃት ተጠረጣሪ መያዙ

የጀርመኑን ቦሩስያ ዶርትሙንድ የእግር ኳስ ቡድን አባላትን ይዞ ይጓዝ በነበረ አውቶቡስ ላይ ጥቃት ከተጣለ ከአንድ ሳምንት በኋላ ምርመራውን የሚያካሂደው ቡድን አንድ ተጠርጣሪ መያዙን የጀርመን  ፌዴራል አቃቤ ሕግ  አረጋገጠ። በ ፌደራል አቃቤ ሕጉ ገለጻ መሰረት፣ ተጠርጣሪው በቱቢንገን አካባቢ ነው በቁጥጥር ስር የዋለው።

የቦሩስያ ዶርትሙንድ የእግር ኳስ ተጫዋቾችን አሳፍሮ ሲጓዝ በነበረው አውቶቡስ ላይ በፈንጂ ለተጣለው ጥቃት ተጠያቂ ተብሎ የታሰረው በመጠርጠር የታሰረው ግለሰብ  የ28 ዓመቱ ተጠርጣሪ የጀርመን እና የሩስያ ዜግነት እንዳለው ተገልጿል። የቦሩስያ ዶርትሙንድ ቡድን ተጫዋቾች ከፈረንሣዩ ሞናኮ ጋር ለነበረው የሻምፒዮንስ ሊግ ግጥማያ በአውቶቡስ ወደ ሜዳው በመጓዝ ላይ ሳሉ ነበር ፍንዳታው የደረሰው ። ከምሽቱ አንድ ሰአት ከሩብ ሲል ከተከረከመ የተክል አጥር ጥግ ላይ በደረሰው ሦስት ተከታታይ ፍንዳታ ተጨዋቾቹን ጭኖ የነበረው አውቶቡስ መስኮት ከባድ ጉዳት ደርሶበታል። እንዲያም ኾኖ   አንድ ተጨዋች ብቻ ከመስተዋት ስብርባሪ ፍንጣሪ እጁ ላይ ጉዳት ከመድረሱ ውጪ ሌሎች ላይ ጉዳት አለመድረሱ ተገልጧል።  ፈንጂው የብረት ቁጥርጥራጮች እንደነበሩበት ተገልጧል።

አርያም ተክሌ

ማንተጋፍቶት ስለሺ

ተዛማጅ ዘገባዎች