የቡርቃ ዕገዳ በቤልጂግ | አውሮጳ/ጀርመን | DW | 04.05.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የቡርቃ ዕገዳ በቤልጂግ

በትንሽቷ አውሮፓዊት ሐገር በቤልጂግ የህዝብ ተወካዮች ምክር ቤት ባለፈው ሳምንት ድምፅ የተሰጠበት አንዳንድ ሙስሊም ሴቶች የሚያዘወትሩትን ሰውነትን ሙሉ በሙሉ የሚሸፍነውን ቡርቃን መልበስ እንዲታገድ የቀረበው ህግ ያለ አንዳች ተቃውሞ አልፏል ።

default

ቡርቃ በአደባባይ እንዳይለበስ ለመከልከል በምክርቤት ደረጃ ድምፅ በመስጠት ቤልጂግ የመጀመሪያዋ አውሮፓዊት ሀገር ሆናለች ። የበርካታ ሙስሊሞች መኖሪያ በሆነችው በፈረንሳይ ደግሞ ማንነትን ይሸሽጋል የተባለውን ቡርቃን በሚለብሱ ላይ ከበድ ያለ ቅጣት የሚጥል ጠንካራ ህግ ተረቋል ። ሁለቱ ሐገራት ቡርቃን በአደባባይ እንዳይለበስ የወሰዱትና ለመውሰድ ያቀዱት ቁርጠኛ ዕርምጃ ፣ የአብዛኛው ዜጎቻቸው ድጋፍ ቢኖረውም ተቃውሞም አልተለየውም ። ቤልጂግና ፈረንሳይ በግንባር ቀደምትነት በቡርቃ እና ዓይንን ጭምር በሚከልለው በኒቃብ ላይ ሲዘምቱ ሌሎች የአውሮፓ ሐገራትም የነርሱን ፈለግ ለመከተል ዳር ዳር እያሉ ነው ። የዛሬው አውሮፓ እና ጀርመን ዝግጅታችንም በተለይ የቤልጂግ ምክር ቤት ባለፈው ሳምንት ቡርቃ መልበስ እንዲታገድ ባሳለፈው ውሳኔና በእገዳውን ደጋፊዎች እና ተቃዋሚዎች አስተያየት ላይ ያተኩራል ።

ሂሩት መለሰ

ሸዋዬ ለገሠ