1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

የስደተኞች ተቃውሞ በቱኒዝያ

ከሁለት መቶ የሚበልጡ አፍሪቃውያን ተገን ጠያቂዎች በቱኒዝያ መዲና ቱኒስ በሚገኘው የተመድ የስደተኞች ጉዳይ ተመልካች መሥሪያ ቤት፡ ዩ ኤን ኤች ሲ አር ደጃፍ ትናንት ሰላማዊ ሰልፍ አካሄዱ። ቱኒዝያን እና ሊቢያን በሚያዋስነው ድንበር አካባቢ በሚገኘው የሹሻ የመጠለያ ጣቢያ

የሚኖሩት እነዚሁ ተገን ጠያቂዎች የስደተኝነት አቋም እንዲሰጣቸው ጠይቀዋል። የኮት ዲቯር፡ የቻድ፡ የናይጀሪያ እና የሱዳን ተወላጆች የሆኑት ተገን ጠያቂዎቹ በሊቢያ የተካሄደውን ጦርነት ሸሽተው ነበር ቱኒዝያ የገቡት። ሰላማዊ ሰልፈኞቹ የተመድ በሊቢያ ዓብዮቱ የተጀመረበት ሁለተኛ ዓመት ከሁለት ሣምንታት በኋላ የሚታሰብበትን ምክንያት በማድረግ ለተገን ማመልከቻቸው አዎንታዊ መልስ እንዲሰጥ ተማፅነዋል።

ወይዘሮ ከድጃ ከአራት ሕፃናት ልጆቻቸው ጋ ካለፉት ሁለት ዓመታት ወዲህ በሹሻ የመጠለያ ጣቢያ ይኖራሉ። ከለበሱት የዩ ኤን ኤች ሲ አር አርማ ከሚታይበት ብርድ ልብስ በስተቀር አንዳችም ንብረት የላቸውም። እሳቸውን የሚያሳስበው ግን ንብረት አልባ መሆናቸው አይደለም።
« እኔ ምግብ ወይም ውኃ ወይም ገንዘብ አይደለም የምጠይቃቸው። ለልጆቼ ከለላ እንዲሰጡልኝ ብቻ ነው። »
የ48 ዓመቷ ከድጃ መላ ቱኒዝያን አቆራርጠው እና እጅግ ረጅም መንገድ ተጉዘው ነው ይህንን ጥያቄዋን ለዩ ኤን ኤች ሲ አር ያሰሙት። የስደተኝነት አቋም እንደማይሰጣቸው የተነገራቸው ወይዘሮ ከድጃ ጦርነቱ ወደ ቱኒዝያ እንድሺሹ ሳያስገድዳቸው በፊት ሊቢያ ውስጥ ተቀጥረው ይሰሩ ነበር።

Subject: African refugees in Tunisian-Libyan border. Date: August 2011 Place:Rass Jdir Photographer:Khedir Mabrouka Die Bilder hat unser Korri in Tunesien Khedir Mabrouka gemacht. DW hat deshalb die Rechte. Zulieferer: Emad Ghanim


ልክ እንደሳቸው በሹሹ የመጠለያ ጣቢያ የሚኖሩ እና ለሕልውናቸው መለመን የተገደዱት ሌሎች 212 ተገን ጠያቂዎች ማመልከቻቸው ተቀባይነት ስላላገኘላቸው ተቃውሞ መወጣታቸውን የኮት ዲቯሩ ፍሬድሪክ ገልጾዋል።« ወደ ሊቢያ ልንመለስ አንችልም። ቱኒዝያም ውስጥ መቆየት አንችልም። የተመድ የስደተኞች ጉዳይ ተመልካች መሥሪያ ቤትም አልተቀበለንም። እና ወዴት ነው መሄድ የምንችለው? »
ተገን ጠያቂዎቹ እንደሚሉት፡ ሊቢያ በተለይ ለጥቁር አፍሪቃውያን በጣም አደገኛ ቦታ ናት፡ ምክንያቱም የቀድሞውን የሀገሪቱን መሪ ሙአመር ኧል ጋዳፊን ደግፈዋል በሚል ስለሚወቀሱ። ቱኒዝያ ደግሞ ስደተኞችን ተቀብላ ማስተናገድ የምትችልበት መዋቅር ገና አልተከለችም። ብዙዎች ስደተኞች ለሕይወታቸው ስለሚፈሩ ወደ ትውልድ ሀገራቸው መመለስ አይደፍሩም።

Subject: African refugees in Tunisian-Libyan border. Date: August 2011 Place:Rass Jdir Photographer:Khedir Mabrouka Die Bilder hat unser Korri in Tunesien Khedir Mabrouka gemacht. DW hat deshalb die Rechte. Zulieferer: Emad Ghanim

ትናንት በቱኒስ የዩ ኤን ኤች ሲ አር ጽሕፈት ቤት ደጃፍ ሰልፍ ካካሄዱት መካከል አንዱ የዳርፉር ሱዳን ተወላጅ ኦትማን ነው።
« ከሊቢያ ስንሸሽ ተቀብለው ድንኳን ሰርተው አስተናግደውናል፤ ይኸው በዚያ ሁለት ዓመት ከቆየን በኋላ አሁን እንደ ስደተኛ ተቀባይነትን አላገኛችሁም ብለውናል። ለምን? መልሱን የሚያውቁት እነርሱ ብቻ ናቸው።
በቱኒስ ዩ ኤን ኤች ሲአር ን የሚወክሉት የሕግ ባለሙያ ናቢል ቤን ቤክቲ መሥሪያ ቤታቸው በሹሹ መጠለያ ጣቢያ ላሉት ተገን ጠያቂዎቹ ልዩ አስተያየት እንዳደረገ ነው የገለጹት።
« ተገን ጠያቂዎቹ ወደ ትውልድ ሀገራቸው በክብር እንዲመለሱ ለማድረግ ስንል ኃላፊነታችን ከሚፈቅደው እና ከሚጠበቅብን በላይ አልፈን በመሄድ ርምጃ ወስደናል። የመጓጓዣቸውን እና ሀገራቸው ከደረሱም በኋላ አንድ ስራ የሚጀምሩበትን ጥቂት ገንዘብ ለመስጠት ተዘጋጅተናል። »
በሹሹ መጠለያ ጣቢያ ካሉት መካከል ብዙዎቹ በዚህ በተያዘው የየካቲት ወር ወደ ዩኤስ አሜሪካ መሄድ እንደተሳካላቸው የገለጸው ዩ ኤን ኤች ሲአር የመጠለያ ጣቢያውን የፊታችን ሰኔ ለመዝጋት መወሰኑን አመልክቶዋል።

አርያም ተክሌ
ተክሌ የኋላ

Audios and videos on the topic