የምግብ ሳይንስ ባለሞያው ዶክተር አየለ ጉግሳ | አውሮጳ/ጀርመን | DW | 05.11.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የምግብ ሳይንስ ባለሞያው ዶክተር አየለ ጉግሳ

የነፃ ትምህርት እድል አግኝተው በመጡባት ጀርመን ሲኖሩ ከ27 ዓመት በላይ ሆኗቸዋል ። የግብርና ውጤቶችን የምግብ ይዘትና ጠባይ አጥንቶ ለምግብነት ማዘጋጀት የሚያስችል ትምህርት ነው ያጠኑት ። የተማሩትም በበርሊኖቹ አሌክሳንደር ሁምቦልትና የቴክኒክ ዩኒቨርስቲዎች ነው ። ዶክተር አየለ ጉግሳ ይባላሉ

የማስትሬት ዲግሪያቸውን ከአሌክሳንደር ሁምቦልት ዩኒቨርስቲ ካገኙ በኋላ የዶክትሬት ዲግሪያቸው እዚያው ማጥናት ቀጥለው ሁለቱ ጀርመኖች ሲዋሃዱ ዩኒቨርስቲው የሚያጠኑትን ትምህርት መስጠት በማቋረጡ ወደ በርሊኑ የቴክኒክ ዩኒቨርስቲ ተዛውረው ትምህርታቸውን ለማጠናቀቅ በቅተዋል ። የዶክተር አየለ የማስትሬትና የዶክትሬት ዲግሪዎቻቸው የመመረቂያ ሥራዎች በተመሳሳይ መስክ ላይ ያተኮሩ ናቸው ።ዶክተር አየለ የዶክትሬት ዲግሪያቸውን ባገኙበት በበርሊኑ የቴክኒክ ዩኒቨርስቲ ውስጥ ለአራት ዓመታት በጥናትና ምርምር ሠርተዋል ። ከዚያ በኋላም በአንድ የዱቄት ፋብሪካ ውስጥ ተቀጥረው ያገለግሉም ነበር ። ለአምስት ዓመታት በዚሁ ፋብሪካ ውስጥ ያገለገሉት ዶክተር አየለ ከሁለት ዓመት ግድም ወዲህ ደግሞ በሙያቸው በግል ሥራ ላይ ይገኛሉ ። እውቀታቸውን ወደ ኢትዮጵያ በማሸጋገርም እየሰሩ ነው ። በዶክተር አየለ እምነት ኢትዮጵያን በመሰለች ሃገር ምግብ ማምረት አስቸጋሪ ባልሆነም ነበር ። ይሁንና በተለያዩ ችግሮች ምክንያት ሃገሪቱ ከምግብ እጥረት ልትላቀቅ አልቻለችም ። ለዶክተር አየለ በኢትዮጵያ የምግብ እጥረት ሁለት ገፅታ አለው ።

ሂሩት መለሰ

ሸዋዬ ለገሠ

Audios and videos on the topic