1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

«የምርጫ ውጤቱ ተቀባይነት የለውም» ራይላ ኦዲንጋ

የኬንያ የምርጫ እና ድንበር አካላይ ኮሚሽን ባለፈው ሐሙስ በተካሄደው ፕሬዝዳንታዊ ምርጫ ፕሬዝዳንት ኡሁሩ ኬንያታ 98 በመቶ የሚሆነውን የመራጮች ድምጽ አግኝተው መመረጣቸውን ትናንት ማውጁን ተከትሎ የተቃዋሚው መሪ ራይላ ኦዲንጋ ዛሬ ከሰዐት በኋላ ስለ ቀጣይ የፖለቲካ ትግል አቅጣጫቸው መግለጫ ሰጥተዋል፡፡

አውዲዮውን ያዳምጡ። 02:17

ራይላ ኦዲንጋ መጠነ ሰፊ የተቃውሞ እንቅስቃሴ ጥሪ አስተላለፉ

የኬንያ የምርጫ እና ድንበር አካላይ ኮሚሽን ባለፈው ሐሙስ በተካሄደው ፕሬዝዳንታዊ ምርጫ  ፕሬዝዳንት ኡሁሩ ኬንያታ 98 በመቶ የሚሆነውን የመራጮች ድምጽ አግኝተው መመረጣቸውን ትናንት ማውጁን ተከትሎ ከምርጫው ራሳቸውን ያገለሉት የተቃዋሚው መሪ ራይላ ኦዲንጋ ዛሬ ከሰዐት በኋላ ስለ ቀጣይ የፖለቲካ ትግል አቅጣጫቸው መግለጫ ሰጥተዋል፡፡ ኦዲንጋ በመግለጫቸው እንዳስታወቁት በቅርቡ ሰፊ መሠረት ያለው እና የሃይማኖት ተቋማትን፣ ሲቪል ማኅበራትን፣ ፖሊከኞችን እና ታዋቂ ሰዎችን ያካተተ ሕዝባዊ ሸንጎ እንዲሁም የዕለት ተለት ጉዳዮችን የሚከታተል ግብረ-ኃይል ይቋቋማል፡፡

ባለፈው ሳምንት ከብሔራዊ ልዕለ-ጥምረት (National Super Alliance) ወደ ብሔራዊ ንቅናቄ የተሸጋገረው ፓርቲያቸው ሰላማዊ የአደባባይ ተቃውሞን እና የኢኮኖሚ ማዕቀብን ያጣመረ የትግል ስልት እንደሚከተል የገለጹት ኦዲንጋ አዲሱ ግብረ ኃይልም ሕገ መንግስታዊ ማሻሻያዎችን ጭምር እንደሚያቀርብ ነው በመግለጫቸው ያስታወቁት፡፡ አያይዘውም ገለልተኛው የምርጫ ኮሚሽን የሐሙሱ ምርጫ ሂደት ዋነኛ ባለቤት መሆን እንዳልቻለ የጠቆሙ ሲሆን «ይሄ ምርጫ ተቀባይነት ካገኘ በኬንያ የምርጫ ሳጥን የሥልጣን መወጣጫ መሆኑ ያከትማል» ሲሉ አስጠንቅቀዋል፡፡ የኦዲንጋ ቀጣይ ርምጃዎች ሀገሪቱ የገጠማትን ፖለቲካዊ ቀውስ እንዳያባብሰው ከወዲሁ ተሰግቷል፡፡

ቻላቸው ታደሰ
ማንተጋፍቶት ስለሺ
ሸዋዬ ለገሰ

Audios and videos on the topic

ተዛማጅ ዘገባዎች