የማይተላለፉ በሽታዎች | ጤና እና አካባቢ | DW | 20.11.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ጤና እና አካባቢ

የማይተላለፉ በሽታዎች

ከሰዉ ወደሰዉ የማይተላለፉ በሽታዎች ትኩረት እንደተነፈጋቸዉ የህክምና ባለሙያዎች አዘዉትረዉ ይጠቁማሉ። እንዲህም ሆኖ ከእነዚህ በሽታዎች መካከል በተለይ ኢትዮጵያ ዉስጥ የልብ ህመም፤ የደም ብዛት እንዲሁም የስኳር በሽታ ከፍተኛ ትኩረት ሲያገኙ ካንሰርን በሚመለከት ህብረተሰቡ ዝምታን እንደሚመርጥ ነዉ የሚነገረዉ።

የዓለም የጤና ድርጅት እንደሚለዉ በዓለም ከሚከሰተዉ ሞት 60 በመቶዉ የሚሆነዉ በህክምናዉ ባለሙያዎች አገላለፅ ነን ኮሙኒከብል ዲዚዝ ማለትም ከሰዉ ወደሰዉ በማይተላለፉ በሽታዎች ምክንያት ነዉ። ከእነዚህ በሽታዎች አንዱ ደግሞ ካንሰር ነዉ። ካንሰር ሲባል አስቀድሞ በሰዉ አእምሮ የሚከሰተዉ ያለመዳኑ ነገር ነዉ።

Deutschland Krebskranke Kinder im Krankenhaus

ጀርመን፤ የካንሰር ታማሚ ሕፃናት

በሽታዉ እንዲህ ይታሰብ እንጂ ቀድመዉ ለህክምናዉ ከደረሱ ወገኖች አንዳንዶች ፍፁም እንደዳኑ፤ አንዳንዶቹ ደግሞ አካላቸዉ ላይ ጉዳት ቢደርስም ነፍሳቸዉ ሳታልፍ ቀጣይ በርካታ ዘመናትን ከካንሰር ነፃ ሆነዉ ለመኖር እንደታደሉ ይታያል።

በየዓመቱ ጥቅምት ወር ሲመጣ በዓለም ዓቀፍ ደረጃ ስለጡት ካንሰር ሰዎች ግንዛቤ እንዲኖራቸዉ በየደረጃዉ የተለያዩ ዝግጅቶች ይከናወናሉ። ይህም ሆኖ ታዲያ ኢትዮጵያ ዉስጥ ኅብረተሰቡ ባጠቃላይ ለካንሰር ያለዉ ግምት ስጋትና ሀፍረት የተሞላበት ከመሆኑ በላይ በድብቅ መያዝን መምረጡ ጉዳቱን ሊያከፋዉ እንደሚችል የሚገምቱ ብዙዎች ናቸዉ።

ሸዋዬ ለገሠ

አርያም ተክሌ

Audios and videos on the topic