1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ተፍጥሮ/ማ ሕበረስብ

የመጀመሪያ የህክምና ርዳታ

የመጀመሪያ የህክምና ርዳታ ሰዎች በየትኛዉም አጋጣሚ የሚደርስባቸዉ አደጋ የከፋ ጉዳት እንዳያስከትል የሚሰጥ ጊዜያዊ ርዳታ ነዉ።

Erste Hilfe Kurs

ሰዎች አደጋ ሲያጋጥም ወደሃኪም ቤት ሄደዉ ተገቢዉ የህክምና አገልግሎት እስኪደረግላቸዉ ድረስ በቦታዉ ሊያገኙት የሚችለዉ ርዳታ የመጀመሪያ የህክምና ርዳታ ነዉ። የመጀመሪያ የህክምና ርዳታ የተባለዉም ከሃኪም የሚገኘዉን ተገቢና ሙያዊ የህክምና ርዳታ እንደማይተካ ለማመላከት ነዉ። የመጀመሪያ የህክምና ርዳታ በተለያዩ አደጋዎች የተጎዱ ወገኖች ሃኪም ቤት እስኪደርሱ ለመርዳት የሚያስችል ዓለም ዓቀፍ ይዘት ያለዉ የህክምና ርዳታ ነዉ። ይህን ርዳታ መስጠት የሚችሉ ሰዎች ደግሞ ራሳቸዉ አስቀድመዉ ተገቢዉን ስልጠና ሊወስዱ ይገባል። ይህን ስልጠና በመስጠት ከሚታወቁ ተቋማት አንዱ ቀይ መስቀል ነዉ። የኢትዮጵያ ቀይ መስቀል ማኅበር በየክልሉ 11 ቅርንጫፎች እና 32 የዞን ቅርንጫፎች ከ3500 በላይም ኮሚቴዎች እንዳሉት ነዉ አቶ በቃሉ አያሌዉ የኢትዮጵያ ቀይ መስቀል ማኅበር የሕዝብ ግንኙነት ኃላፊ ገልጸዋል።

ሰፊ መዋቅር አለዉ እንዳለዉ ያመለከቱት ይህ ማኅበር ባለበት አካባቢም በቀይ መስቀል የሰለጠኑ ወጣቶች ድጋፍ እንደሚያደርጉ በመጠቆምም ያ ግን በቂ ነዉ ብለዉ እንደማያምኑ ዘርዝረዋል። የኢትዮጵያ ቀይ መስቀል ማኅበር ለበጎ ፈቃደኛ ወጣቶች ብቻ ሳይሆን ለፋብሪካዎችንም ሆነ ለአንዳንድ ድርጅቶች የመጀመሪያ የህክምና ርዳታ ስልጠና እንደሚሰጥናም አስረድተዋል። አንጋፋዉ የኢትዮጵያ ቀይ መስቀል ማኅበርም ለበርካታ ዓመታት ባደረገዉ እንቅስቃሴ በሺዎች የሚቆጠሩ ወገኖች የመጀመሪያ ህክምና እርዳታ ስልጠናን እንዲወስዱ ማድረጉን ገልጸዋል። እንዲያም ሆኖ የኢትዮጵያ ቀይ መስቀል ማኅበር የሕዝብ ግንኙነት ኃላፊ የስልጠና መርሃግብሩን ለማስፋት የአቅም ዉሱንነት መኖሩን አልሸሸጉም።

ሙሉዉን ዝግጅት ከድምጽ ዘገባዉ ያድምጡ፤

ሸዋዬ ለገሠ

ነጋሽ መሐመድ

Audios and videos on the topic