1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የመቀሌው የእግር ኳስ ግጭት እና ምክንያቱ

ቅዳሜ ዕለት በመቀሌ ዩኒቨርስቲ ስቴዲየም በመቀሌ ከነማ እና በባህርዳር ከነማ የእግር ኳስ ቡድን የተካሄደው የብሔራዊ ሊግ መደበኛ ግጥሚያ በተፈጠረ ግጭት ተቋርጧል። ጨዋታው ዛሬ ጠዋት በድጋሚ ይካሄዳል ተብሎ ቢጠበቅም ሳይካሄድ ቀርቷል።

አውዲዮውን ያዳምጡ። 01:59

ግጭት እና ምክንያቱ

ከትናንት በስትያ በመቀሌ  ዩኒቨርስቲ ስቴዲየም ግጭት የተቀሰቀሰው ግጥሚያው በመካሄድ ላይ እያለ እንደነበር የአይን እማኞች ለዶይቸ ቬለ ገልጸዋል። የአይን እማኞቹ ግጭቱን ለማስቆም ጣልቃ የገባው ፖሊስ አስለቃሽ ጪስ መተኮሱን እና ተመልካቾችም መደብደባቸውን ገልጸውልናል። በማህበራዊ መገናኛ ዘዴዎች የቆሰሉ ሰዎችን የሚያሳዩ ምስሎች ይታያሉ። 
 ቅዳሜ ዕለት በመቀሌ ዩኒቨርስቲ ስቴዲየም ሥለተፈጠረዉ ግጭት የትግራይ ፖሊስ ኮሚሽን ምላሽ እንዲሰጠን የህዝብ ግንኙነት ኃላፊ ኮማንደር መንግሥት አረጋዊን በሥልክ ለማነጋገር ሞክረን  ነበር። ኮማንደር አረጋዊ ግን ዶይቸ ቬለ «በሠላም ጊዜ አልመጣም» በማለት ሥለግጭቱ መናገር አልፈለጉም። 
የግጭቱን መንስኤ ለማወቅ የኢትዮጵያ እግር ኳስ ፌዴሬሽን ባለሥልጣናትንም ለማነጋገር ሞክረናል። ይሁንና ፌዴሬሽኑ የቅዳሜውን ግጥሚያ አስመልክቶ ዝርዝር ዘገባ እየጠበቀ እንደሆነ ነው የኢትዮጵያ እግር ኳስ ፌዴሬሽን የጽሕፈት ቤት ኃላፊ አቶ ወንድምኩን አላየው የገለፁልን። እሳቸውም ጨዋታው ዛሬ ጠዋት በድጋሚ ይካሄዳል ተብሎ ቢጠበቅም ሳይካሄድ መቅረቱን ገልጸውልናል።
ልደት አበበ
ነጋሽ መሀመድ

Audios and videos on the topic

ተዛማጅ ዘገባዎች