1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የመሰብሰብ ነፃነት ድንጋጌ እና ቡድን 20

«ጀርመናዉያን ሁሉ ያለ ምንም ምዝገባ እና ፈቃድ እንዲሁም የጦር መሣሪያ ሳይይዙ በሰላማዊነት የመሰብሰብ ነፃነት አላቸዉ።» በማለት ይጀምራል የጀርመን ሕገመንግስት አንቀጽ 8።

አውዲዮውን ያዳምጡ። 03:58

የመሰብሰብ ነፃነት በጀርመን ሕገመንግሥት

እንዲያም ሆኖ ዓርብ ዕለት በሀምቡርግ ከተማ የሚጀምረዉ የቡድን 20 ሃገራት ጉባኤን የሚመለከተዉ ወሳኝ አንቀጽ ደግሞ «ሜዳ ላይ ለሚካሄድ ስብሰባ ግን ይህ መብት በሕግ  ወይም በአንድ ሕግ መሠረታዊ ምክንያት ገደብ ሊደረግበት ይችላል።» ይላል። እንዲህ ከሆነ ደግሞ የማይገደብ መሠረታዊ መብት አይደለም ማለት ነዉ። በዚህም ምክንያት ከተዘጋ ክፍል ዉጭ የሚከናወኑ እንቅስቃሴዎች በፖሊስ መመዝገብ ይኖርባቸዋል።

በሃምቡርግ ከተማ በኢንዱስትሪ የበለፀጉት 20 ሃገራት በያዝነዉ ሳምንት መጨረሻ ሁለት ቀናት ከሚካሄደዉ ጎን ለጎን የተቃዉሞ ስብሰባ እና ሰልፎችን ለማድረግ የሚደረገዉ እንቅስቃሴ ዉዝግብ አስነስቷል። ከምንም በላይ ጀርመኖች የሀገራቸዉ ሕገ መንግሥት የሚደነግግላቸዉ መብት እንዳይነካ አጥብቀዉ እየሞገቱ ነዉ። የመሰብሰብ ነፃነት ተግባራዊነት ስለመሰብሰብ እና ክልከላን ስለማንሳት በሚደነግገዉ አንቀጽ መሠረት የሚወሰን ነዉ። ይህም በ33ኛዉ አንቀጽ ላይ ይገኛል። በትክክል ተግባራዊ መደረጉን በተመለከተ የሚነሳዉ ክርክር የረዥም ጊዜ ታሪክ ያለዉ ሲሆን በዚህ መሠረት በጀርመን ምክር ቤት ማለትም ቡንደስታኽ በጎርጎሪዮሳዊዉ 1953 እንዲሁም በ2008ዓ,ም ማሻሻያዎች ተደርገዋል። በዚህ ጉዳይም የሚካሄዱ ዉዝግቦችን በፍርድ ቤት በየዕለቱ ያስተናግዳሉ። የተቃዉሞ እንቅስቃሴ አዘጋጆች ስብሰባዉ የሚካሄድበትን ጊዜ እና የት አካባቢ እንደሚደረግ የመሳሰለዉን በማቅረብ ይከራከራሉ።

እንዲያም ሆኖ ሃምቡርግ ላይ ዓርብ እና ቅዳሜ ዕለት የቡድን 20 ሃገራት ጉባኤ ሲካሄድ ፖሊስ 38 ስኩየር ኪሎ ሜትር የሚሆን አካባቢ ላይ እንዲህ ላሉት ስብሰባዎች እንዳይካሄዱባቸዉ አግዷል። የተከለከለዉ አካባቢዉ ከሰሜናዊ ሀምቡርግ የአዉሮፕላን ማረፊያዉ አንስቶ ጉባኤዉ የሚደረግበት ማዕከል ድረስ ይደርሳል። ፖሊስ በተሰብሳቢዎች፤ በፖሊስ ኃይሎችም ሆነ በሌላ በሦስተኛ አካል ላይ አደጋ ሊደርስ ይችላል በሚል የወሰደዉ ርምጃ መሆኑን ይናገራል። ተሞክሮዉንም ከዚህ ቀደም ከተካሄዱ እንዲህ ያሉ ትላልቅ ጉባኤዎች መዉሰዱንም ያስረዳል። በርሊን የሚገኙት ሕገ ባለሙያ ክርስቲያን ፔስታሎሳ በሕግ የረደነገገዉ መሠረታዊዉ የመሰብሰብ ነፃነት የሕዝብን ፀጥታ የሚያሰጋ ነገር ሲኖር ሊታገድ የሚችልበት አጋጣሚ እንዳለ ይናገራሉ።

«በመሠረቱ ሕገ መንግሥታዊ የሆነ የመሰብሰብ ነፃነት አለ፤ ነገር ግን የሕዝብን ፀጥታ እና ሥርዓትን መሠረት ባደረገ ሁኔታ ሊታገድ የሚችልበት አጋጣሚ አለ።»

እሳቸዉ እንደሚሉትም ሀምቡርግ ላይ ፖሊስ ለመሰብሰቢያ አይሆንም ብሎ ሰፊ አካባቢ ቢከልልም አሁንም የተቃዉሞዉን እንቅስቃሴ ለሚያደርጉት በቂ ስፍራ አለ። ይህ ግን ለመሠረታዊ መብቶችና ዴሞክራሲ የሚታገለዉ ኮሚቴ ባልደረባ ለኤልከ ስቴፈን ተቀባይነት የለዉም። የእሳቸዉ ኮሚቴ በዚሁ ምክንያት የሀምቡርግ ከተማ ፖሊስ ላይ ክስ መሥርቷል።

«ይህ የሚጀምረዉ፤ ከወራት በፊት አንስቶ በርከት ያሉ አመጽ የተቀላቀለ ርምጃ ለማካሄድ ካሰቡ ተንቀሳቀሶች ማስጠንቀቂያ ወደሃምቡርግ ከተማ መጥቷል። ይህን ምክንያት አድርገዉ ነዉ ይህን መብት ለመገደብ የወሰኑት። ስለዚህም መነሻዉ እዉነት አይደለም ማስረጃም ሊቀርብበት አይችልም።»

የቡድን 20 ጉባኤ በሚካሄድበት ወቅት የሚካሄዱ ስብሰባዎችን አስመልክቶ በሕግ ጉዳይ ክርክር ነበር። የከተማዋ አስተዳደርም ሆነ የፍርድ ቤቶች ዉሳኔ ግን ተመሳሳይ ነዉ። መጀመሪያ የተቃዉሞ እንቅስቃሴ ማካሄጃ ድንኳኖች  እንዳይቆሙ ታግዶ ነበር። ቆይቶ ግን ተፈቀደ። እንዲህ ያለዉ የዉሳኔ መቀያየር የሚያጋጥመዉ ሕጋዊዉን ጉዳይ ከመረዳት ጋር ይገናኛል ባይ ናቸዉ ክርስቲያን ፔስታሎሳ።  ኤልከ ሽቴፈን በበኩላቸዉ እርግጥነዉ የፀጥታ ጉዳይ ሁሉንም ሊያሳስብ የሚገባ ጉዳይ ነዉ፤ ግንደግሞ በምናልባት ላይ ተመሥርቶ የሚወሰን ዉሳኔ ሁሉ መሠረታዊ መብትን እንዳይጋፋ ጥንቃቄ ሊደረግበት ይገባል በማለት ይሞግታሉ።

«ለፀጥታ አደገኛ የሆነ ማናቸዉንም ነገር ላይ ጥንቃቄ ማድረጉ በእርግጥ አስፈላጊ ነዉ። ነገር ግን ይህ ተጨባጭ በሆኑ ነጥቦች ላይ መሠረት በማድረግ እንጂ ሊሆን ይችላል በሚል ግምት ላይ መመሥረት የለበትም።  ግምትን በተመለከተ ብዙ ነገር ሊገመት ይችላል። አሁን ታዲያ ምንም አይነት አደጋ ሊያስከትሉ የማይችሉ ትናንሽ ስብሰባዎችም ይከለከላሉ ማለት ነዉ። በእርግጠኝነት የጉባኤ ሂደት  የማደናቀፍ ፍላጎት የለም።»

በቡድን 20 ጉባኤ ወቅት የተቃዉሞ ድምጽ ከሚሰማባቸዉ ጉዳዮች አንዱ የአቶም የኃይል ማመንጫ ተቋም የመገንባት እቅድን ይመለከታል። በጎርጎሪዮሳዊዉ ከ1976ዓ,ም አንስቶም በሰሜን ምዕራብ ሃምቡርግ የአቶም ተቋም ግንባታን የሚቃወም ሰልፍ ሲካሄድ ኖሯል። በጀርመን ሕገ መንግሥት አንቀጽ 8 ላይ ስብሰባ ማካሄድ የሚፈልገዉ አካል የት እና እንዴት መሰብሰብ እንዳለበት መወሰን ይችላል የሚል ሕግ ሰፍሯል። ኤልከ ሽቴፈን ግን ይህን ሀምቡርግ ላይ የታየዉን አጋጣሚ በመንተራስ ተጋኗል ይላሉ።

ሸዋዬ ለገሠ

ኂሩት መለሰ

Audios and videos on the topic

ተዛማጅ ዘገባዎች