1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የመሰረታዊ ሸቀጦች ዋጋ መናርና የመንግስት አገልግሎት ሰጪ ተቋማት ችግር በኢትዮጵያ 

በኢትዮጵያ በተለይም በመዲናይቱ አዲስ አበባ ከጊዜ ወደ ጊዜ የሚታየው የሸቀጦች ዋጋ መናርና የኑሮ ውድነት እንዳማረራቸው ነዋሪዎች ይናገራሉ። የአዲስ አበባ ንግድ ቢሮ መንግስት ከወሰደው የ15 በመቶ የውጭ ምንዛሪ ማሻሻያ ጋር በተያያዘ በገበያው ላይ የሚፈጠሩ የዋጋ ንረቶችና አለመረጋጋቶች ሊኖሩ ቢችሉም ችግሩ ከቀጥጥራችን ውጭ አይደለም ይላል።

አውዲዮውን ያዳምጡ። 04:50

የዋጋ ንረት

ገዥው ኢሕአዴግ 11 በመቶ የምጣኔ ሃብት ዕድገት አስመዝግበናል ህዝባችንም በቀን 3 ጊዜ በልቶ የሚያድርበት ስልት ነድፈናል የሚል መግለጫ ቢያስተጋባም ዛሬም ሃገሪቱ ከችግር አዙሪት ቀለበት ውስጥ አለመውጣቷ ነው የሚነገረው። የተፋጠነ እድገት ለማስመዝገብ እና የህዝቡን የኑሮ ሁኔታ ለማሻሻል ምንም እንኳ መንግስት አንዳንድ የልማት እንቅስቃሴዎችን ቢያከናውንም ሙሰኝነት ብልሹ አስተዳደር የአቅም ማነስ እና የስራ አፈጻጸም ችግሮች የሸቀጦች ዋጋ መናር እንዲሁም የአገልግሎት አሰጣጡ ድክመት ከህብረተሰቡ ወርሃዊ የነፍስ ወከፍ ገቢ እና አሁን ከሚታየው የኑሮ ውድነት ጋር አለመጣጣሙ ጋር ተደማምሮ ቅሬታ እና ብሶትን ማስከተሉ አልቀረም ::

በኢትዮጵያ የሸቀጦች ምርት ብቻ ሳይሆን የትራንስፖርት የህክምና የቦታ እና የመኖሪያ ቤቶች ኪራይ እና ግዥ እንዲሁም የኢንተርኔት እና የስልክ አገልግሎቱም የዋጋ ንረት ከሌሎች በማደግ ላይ ያሉ የአፍሪካ ሃገራት ጋር ሲነጻጸር አሳሳቢ መሆኑ ነው የሚጠቀሰው። ገንዘባችንም ቢሆን ከጊዜ ወደ ጊዜ አቅሙ እየደከመ ሄዷል።  ኑሮ እጅግ ከመጠን በላይ ከብዷል:: እናም አስቸኳይ መፍትሄ እና አንድ እልባት ሊበጅለት ይገባል ይላሉ ያነጋገርናቸው አስተያየት ሰጭዎች።

የኑሮ ውድነት ጧት እና ማታ የሚንጠው ማህበረሰባችን ቦግ እልም እያለ በፈረቃ በሚዳረሰው የኤሌክትሪክ ሃይል አቅርቦት ሥርጭቱም ላይ ቅሬታ አለው :: በተለይም ህዝባዊ ተቃውሞዎች በተቀሰቀሱ ቁጥር ወትሮውንም ዝቅተኛ ፍጥነት ያለው የኢንተርኔት አገልግሎቱ ጨርሶ ለቀናት እና ለወራት ደጋግሞ የመቋረጡ ጉዳይ ያስተዳድረኛል በሚለው መንግስት ላይ ቅሬታን ቢፈጥር የሚፈረድበት አይሆንም :: በአዲስ አበባ ንግድ ቢሮ የድህረ ፈቃድ ኢኒስፔክሽን እና ሬጉላቶሪ ዳይሬክቶሬት ዳይሬክተር አቶ ካሳሁን በየነ ግን በቅርቡ መንግስት ከወሰደው የውጭ ምንዛሪ ማሻሻያ ጋር በተያያዘ በአገልግሎት አሰጣጡ እና በገበያው ላይ የሚፈጠሩ የዋጋ ንረቶች እና አለመረጋጋቶች ሊኖሩ ይችላሉ :: ያም ቢሆን ግን ችግሩ ከቀጥጥራችን ውጭ አይደለም በተቻለ መጠን ገበያውን ለማረጋጋት እየሰራን ነው ይላሉ።

እንዳልካቸው ፈቃደ

ሸዋዬ ለገሠ

Audios and videos on the topic

ተዛማጅ ዘገባዎች