የሊቢያ አገናኝ ቡድን ጉባኤ | ዓለም | DW | 15.07.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የሊቢያ አገናኝ ቡድን ጉባኤ

ኢስታንቡል ቱርክ ውስጥ ዛሬ የተካሄደው የሊቢያ አገናኝ ቡድን ጉባኤ ኮሎኔል ሞአመር ጋዳፊ ከሥልጣን እንዲወርዱ እንደገና ጥሪ አቀረበ ።

default

በጉባኤው ላይ የተሳተፉት ኃያላኑ መንግሥታት ደግሞ የሊቢያውን መሪ የኮሎኔል ሞአመር ጋዳፊን ኃይሎች ለሚወጉት አማፅያን እውቅና ሰጥተዋል ። ከሰላሳ አገራት የተውጣጡ የኃያላኑ መንግሥታት ና ተሰሚነት ያላቸው የአካባቢው አገራት ተወካዮች የተሳተፉበት ይኽው ጉባኤ ጋዳፊን ከሥልጣን ለማውረድ የሚደረገውን ወታደራዊውን ጫና ለማጠናከርም ተስማምቷል ። ጉባኤው ሊቢያ ወደ ዲሞክራሲ እንድትሸጋገር ያስችላታል ያለውን የሰላም እቅድም አውጥቷል ። በሰላም እቅዱ ውስጥ የተባበሩት መንግሥታት እና የአፍሪቃ ህብረት የሚቆጣጠሩት የተኩስ አቁም ተካቷል ። የጎሳ መሪዎችን እና በአሁኑ ሰዓት በጋዳፊ ቁጥጥር ስር ካለችው የትሪፖሊ ከተማ የተውጣጡ ተወካዮችን የሚያሳትፍ ብሔራዊ ጉባኤ የማካሄድ ሃሳብም ቀርቧል ። ከጉባኤው በመቀጠል በሃገሪቱ ዲሞክራሲያዊ ስርዓት ለማስፈን ህገ መንግሥት ማርቀቅና የምክር ቤት ምርጫዎችን ማድረግ እንደሚገባም ተጠቁሟል ። የጂዳው ወኪላችን ነብዩ ሲራክ ስለ ጉባኤው ሂደት ተከታዩን ዘገባ ልኮልናል

ነብዩ ሲራክ

ሂሩት መለሰ

ነጋሽ መሐመድ

Audios and videos on the topic