1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ውይይት፦ የሸቀጦች ዋጋ ንረት እና መፍትሄው

የችግሩ መንስኤ የአቅርቦት እና ፍላጎት አለመጣጣም ነው የሚሉ አሉ። መንግሥት ደግሞ ምክንያቶቹ ሰው ሰራሽ ችግሮች ናቸው ሲል ይደመጣል። ሌሎች ደግሞ ደካማ የገበያ ቁጥጥርን ለዋጋው ንረት ተጠያቂ ያደርጋሉ።

አውዲዮውን ያዳምጡ። 30:27

አሳሳቢው የዋጋ ግሽበት

በኢትዮጵያ የመሠረታዊ ሸቀጦች ዋጋ እጅግ እያሻቀበ መሄድ አሁንም በጣም አሳሳቢ እና መፍትሄ ያልተገኘለት ችግር ሆኖ ዘልቋል። በተለይ በኢትዮጵያ አዲስ የውጭ ምንዛሬ ተመን ከተደነነገገ በኋላ መሠረታዊ የሚባሉ ሸቀጦች ብቻ ሳይሆን የተለያዩ እቃዎች ዋጋ እጅግ መናሩ ሸማቾችን ከማማረር አልፎ ግራ እያጋባ ነው። መንግሥት የየብር ምንዛሬ ዋጋ ሲቀንስ በመሠረታዊ ሸቀጦች ዋጋ ላይ ብዙም ለውጥ አያመጣም ብሎ የነበረ ቢሆንም ተመኑ ከተለወጠ ማግሥት አንስቶ በምግብ ሸቀጦች በቤት እና ቢሮ እቃዎች እንዲሁም በኤሌክትሮኒክስ ምርቶች ላይ አስደንጋጭ ጭማሪ ተደርጓል። ከዋጋው መናር ሌላ የአንዳንድ መሠረታዊ ሸቀጦች እጥረትም ህብረተሰቡን እያሰቃየ ነው። በዚህ ረገድ ዋጋቸው ጣራ የነካው ስኳር እና ዘይት ተጠቃሽ ናቸው። አስተያየት ሰጭዎች የችግሩ መንስኤ የአቅርቦት እና ፍላጎት አለመጣጣም ነው ሲሉ መንግሥት ደግሞ ምክንያቶቹ ሰው ሰራሽ ችግሮች ናቸው ሲል ይደመጣል። ሌሎች ደግሞ ደካማ የገበያ ቁጥጥርን ለዋጋ ንረት ተጠያቂ ያደርጋሉ። በኢትዮጵያ የሸቀጦች ዋጋ ንረት እና መፍትሄው የዛሬ ውይይት ርዕስ ነው። በዚህ ርዕስ ላይ አቶ ወንድሙ ፍላቴ በኢትዮጵያ ንግድ ሚኒስቴር የህዝብ ግንኙነት እና የኮምኒኬሽን ጉዳዮች ሃላፊ፣ አቶ ተመስገን ዘውዴ የቀድሞ የህዝብ ተወካዮች ምክር ቤት አባል፣ እንዲሁም ዶክተር ዳንኤል ተፈራ በዩናይትድ ስቴትስ ዊስኮንሰን ዩኒቨርስቲ የኤኮኖሚ መምህር ተሳትፈዋል። ሙሉውን ውይይት የድምጽ ማዕቀፉን በመጫን ማዳመጥ ይችላሉ።

ኂሩት መለሰ

ልደት አበበ

 

Audios and videos on the topic

ተዛማጅ ዘገባዎች