1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ውይይት፦ የምርጫ ስርዓትና የፓርቲዎች ድርድር

16 ሀገር አቀፍ የፖለቲካ ፓርቲዎች ኢትዮጵያ በቀጣይ ሊኖራት የሚገባው የምርጫ ስርዓት በሚል ርዕስ ላይ ሰሞኑን ውይይት አካሂደዋል።  ገዢው ኢህአዴግ እና ጥምረት የፈጠሩ 12 የተቃዋሚ ፖለቲካ ፓርቲዎች በተሳተፉበት ድርድር ላይ የምርጫ ስርዓቱ አብላጫ ድምፅ እና የተመጣጣኝ ውክልናን ያቀፈ ቅይጥ ትይዩ ይሁን የሚለው ሀሳብ ቀርቧል።

በገዢው ፓርቲ እና በተቃዋሚ ፓርቲዎች መካከል ካለፈው የካቲት ወዲህ በቀጠለው ድርድር ላይ ከተነሱት የተለያዩ አጀንዳዎች መካከል ተሀድሶ ያስፈልገዋል የተበለው የምርጫው ስርዓት ዋነኛው ነው።  በዚሁ መሰረትም፣  እስካሁን አምስት ዙር ምርጫ የተካሄደበት የአብላጫ ድምጽ የምርጫ ስርዓት ወደ ቅይጥ ትይዩ ወደሚል ስርዓት እንዲቀየር ገዢው ፓርቲ ሀሳብ አቅርቧል። ከኢትዮጵያ ራዕይ ፓርቲ በስተቀር በድርድሩ የተሳተፉት ሌሎቹ 11 ፓርቲዎች በቀረበው ሀሳብ  ቢስማሙበትም፣ የአተገባበር ሂደቱን በተመለከተ ግን፣ ማለትም፣  ፓርቲዎች በምክር ቤት በሚኖራቸው የመቶኛ ውክልና ጥያቄ ላይ አሁንም ልዩነቶች ስላሏቸው ውይይታቸውን እንደሚቀጥሉ ተሰምቷል።  በዚሁ ድርድር ላይ ስለቀረበው ሀሳብ እና ስለኢትዮጵያ የምርጫ ስርዓት ውይይት አካሂደናል።

አርያም ተክሌ

ልደት አበበ

ተዛማጅ ዘገባዎች