1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ተፍጥሮ/ማ ሕበረስብ

ወባን የማጥፋቱ ጥረት

የዘንድሮዉ የዓለም የወባ ቀን መፈክር «ወባን ፈጽመን እናጥፋ» የሚል ነዉ። በወባ በሽታ ክፉኛ የሚጠቃዉ የአፍሪቃ ክፍለ ዓለም አንዳንድ ሃገራት በአሁኑ ጊዜ ተስፋ ሰጪ ለዉጦች እያሳዩ። በመጪዉ አራት ዓመታት ዉስጥ የወባ በሽታ ከ21 ሃገራት ፈፅሞ ሊጠፋ እንደሚችል ተገለጸ። ከእነዚህ መካከልም ስድስቱ የአፍሪቃ ሃገራት ናቸዉ ።

አውዲዮውን ያዳምጡ። 10:59

ወባን ለማጥፋት

በመላዉ ዓለም የወባ ቀን ሲታሰብ የዓለም የጤና ድርጅት ይፋ ባደረገመዉ መረጃ መሠረት አልጀሪያ፤ ቦትስዋና፣ ኬፕ ቬርዴ፣ ኮሞሮስ፣ ደቡብ አፍሪቃ እና ስዋዚላንድ እስከ ጎርጎሪዮሳዊዉ 2020ዓ,ም ድረስ ወባን ፈፅመዉ ማጥፋቱ ሊሳካላቸዉ እንደሚችል ተነግሯል። መረጃዎች እንደሚያመለክቱት ደቡብ አፍሪቃ ዉስጥ የዛሬ 16ዓመት በወባ በሽታ የሚሞተዉ ሰዉ ቁጥር በዓመት 64 ሺህ ነበር። በቅርቡ የተካሄደዉ በሽታዉን የማጥፋት ጥረት የሟቾቹ ቁጥር ወደ11 ሺህ ገደማ ዝቅ እንዲል አስችሏል። ደቡብ አፍሪቃ ዉስጥ የወባ በሽታ በተለይ ከስዋዚላንድ፣ ዚምባቡዌ እና ሞዛምቢክ በምትጎራበትበት የድንበት አካባቢ ጎልቶ እንደሚታይ ነዉ የሚገለጸዉ።

Malaria Sao Tome und Principe

የወባ ትንኝ መከላከያዉ አጎበር

እናም በዚህች ሀገር ወባን በታቀደዉ ጊዜ ለአንዴ እና ለመጨረሻ ጊዜ ለማጥፋት በሀገር ዉስጥ ከሚካሄደዉ የቀናጀ ጥረት በተጨማሪ ከጎረቤት ሃገሮችም ጋር በመተባበር በጋራ ወባን የመቆጣጠሩ ሥራ እንደሚከናወን የዓለም የጤና ድርጅት አመልክቷል። ከአፍሪቃ ዉጭም ቻይና፣ ማሌዢያ፣ እና ደቡብ ኮሪያ ከእስያ፣ ኮስታ ሪካ፤ ብራዚል፣ ኤል ሳልቫዶር፣ ሜክሲኮ፣ አርጀንቲና፣ ፓራጓይ፣ ኤኳዶር እንዲሁም ሱሪናም ከላቲን አሜሪካም በተጠቀሰዉ የጊዜ ገደብ ወባን ፈፅመዉ ያጠፋሉ ተብሏል። ኢራን፣ ስዑድ አረቢያ፣ ኦማን፣ ሲሪ ላንካ፣ ቤታን፣ ቲሞር ሌስቴ እና ኔፓልም በዚሁ ጊዜ ዉስጥ ከወባ ስጋት እንደሚላቀቁ ይጠበቃል። ባለፈዉ ጎርጎሪዮሳዊ ዓመት 214 ሚሊየን የሚሆን ሕዝብ በወታ ተይዟል። 438 ሺዉ ደግሞ ወባ ፈጅቷቸዋል። ከ10 ሟቾቹ ዘጠኙ ደግሞ ከሰሃራ በስተደቡብ በሚገኙ ሃገራት የተከሰተ መሆኑን የዓለም የጤና ድርጅት አመልክቷል። ኢትዮጵያስ? ምላሹን ከድምጡ ዘገባዉ ያገኛሉ።

ሸዋዬ ለገሠ

ኂሩት መለሰ

Audios and videos on the topic