1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

«ኮንሶ ደሞዝ የለም፣ ጤና ጣብያ ተዘግተዋል» ኮሚቴ

ላለፉት 10 ዓመታት ልዩ ወረዳ የነበረው በደቡብ ብሄር ብሄረሰቦች እና ህዝቦች ክልል ውስጥ የሚገኘው ኮንሶ ወደ ሰጌን አካባቢ ህዝቦች ዞን እንዲጠቃለል መደረጉ ያስከተለው ቅሬታ አሁንም መፍትሄ አላገኘም ።

አውዲዮውን ያዳምጡ። 03:57

ኮንሶ

የህብረተሰቡ ጥያቄ ኮንሶ ራሱን የቻለ ዞን እንዲሆን ቢሆንም ጥያቄው መልስ አለማግኘቱን ጉዳዩን እንዲከታተል የተሰየመው ኮሚቴ ተናግሯል። በአሁኑ ሰዓት የክልሉ መንግስት «ጥያቄዉን ለማፈን» ከዚያም በላይ ላለፉት አራት ወራት የመንግስት ሠራተኞች በሙሉ ደሞዝ እንዳልተከፈላቸው፣ የጤና ጣብያዎችና ኬላዎችም እንደተዘጉ እንድሁም በሴፍትኔት የሚከፈለዉ የአንድ አመት ክፍያ እንዳልተፈፀመ የኮሚቴው አባል የሆኑት አቶ ገማቹ ጌንፌ ለዶቼ ቬሌ ተናግረዋል።

Konso


በኮንሶ 11 ጤና ጣብያዎችና ወደ 52 ጤና ኬላዎች እንዳሉ አቶ ገመቹ ጠቅሶ ሁሉም ላለፉት አራት ወራት ስራ እንዳቆሙ ይናገራሉ። እንደ አቶ ገመቹ የአዉሮፓ ህብረት ለሴፍቲ ኔት መርሃ ግብር የለገሰው እርዳታም ለተቸገሩ የህብረተሰብ ክፍሎች አልደረሰም።

ለዚህ መልስ እንድሰጡን የክልሉን የኮሙኒኬሸን ጉዳዮች ሃላፊ አቶ ቃድራላ አህመድን ስንጠይቅ ጉዳዩ እንደማይመለከታቸው ይናገራሉ።

ከዚህ በተጨማሪ የክልሉ ልዩ ኃይል የሚወስዳቸዉ የድብደባ፣ የእስራትና ግድያ ርምጃዎች መቀጠሉን ፣ በቅርቡ የ11ወር ህፃን ህይወት እንዳለፈም ይናገራሉ። የመንግስት ሚድያዉም የኮንሶ ህዝብ ጥያቄን የጥቂት ግለሰቦች ጥያቄ አድርጎ አሳንሶ በማቅረብ ህዝቡ ላይ ዘምቷል ይላሉ አቶ ገመቹ ።


ይህን ጉዳይ እንዴት ትመለከቱታላችሁ ብለን የፌስቡክ ተከታታዮቻችን ስንጠይቅ አንዳንዶቹ መንግስትንና ህዝብን በተሳሳተ መረጃ አታጣሉ ሲሉ፣ ሌሎች ደግሞ ፣ የህዝቡ ጥያቄ መቸ ተመልሶ ያቃል። መንግስት ህዝብ ነው ፣ህዝብ ደሞ መንግስት ነው ይላል፣ ግን የሚባ,ው እና የሚሆነው ጨርሶ አይገናኝም ፤ አሁን ያለንበት ቀውስ ውስጥ ያስገባንም ይሄው ነው።>> ብለዋል።

መርጋ ዮናስ

ኂሩት መለሰ

Audios and videos on the topic