ክስ መቼ ይቋረጣል? ይቅርታና ምኅረትስ እንዴት? | ኢትዮጵያ | DW | 13.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ክስ መቼ ይቋረጣል? ይቅርታና ምኅረትስ እንዴት?

የኢትዮጵያ መንግሥት ተጠርጣሪዎችን ክሳቸውን በማቋረጥ ፍርደኞችን ደግሞ በይቅርታ እና በምኅረት ለመልቀቅ ወስኖ እርምጃ ጀምሯል። ክሳቸው ይቋረጣል፣ ይቅርታ ወይም ምሕረት ይደረግላቸዋል ከተባሉ ኢትዮጵያውያን ግን ብዙዎቹ ከእስር አልተለቀቁም።

አውዲዮውን ያዳምጡ። 04:02

የባለሙያ ማብራሪያ በይቅርታና ምኅረት ጉዳይ

የኢትዮጵያ መንግሥት በእስር ላይ የሚገኙ ፖለቲከኞች እና ጋዜጠኞችን ክስ ለማቋረጥ፣ የተበየነባቸውን ደግሞ በይቅርታ ለመፍታት መወሰኑ አይዘነጋም። የቀረበባቸው ክስ ከተቋረጠላቸው መካከል ዛሬ ከእስር የተፈቱት አቶ በቀለ ገርባ እና ስድስት የኦሮሞ ፌድራሊስት ኮንግረስ አመራሮች እና አባላት ይገኙበታል። የሙስሊም መፍትሔ አፈላላጊ ኮሚቴ አባላት የይቅርታ ሰነድ እንዲፈርሙ ተጠይቀው ሳይቀበሉት ቀርተዋል። የኮሚቴው አራት አባላት ዛሬም ከእስር አልተፈቱም።

ጋዜጠኛ እስክንድር ነጋ እና  ፖለቲከኛው አቶ አንዱዓለም አራጌ ጥፋተኛ ተብለው በእስር ላይ ናቸው። የኢትዮጵያ መንግሥት እስክንድር እና አንዱዓለምን ከሚፈታቸው መካከል እንደሆኑ ቢጠቅስም እስከዛሬ አልተፈቱም። ቤተሰቦቻቸው በኢትዮጵያ መንግሥት ሽብርተኛ ተብሎ የተፈረጀው የግንቦት ሰባት አባል ነበርን የሚል ደብዳቤ እንዲፈርሙ መጠየቃቸውን ተናግረዋል። ክስ ማቋረጥ እና ይቅርታ በኢትዮጵያ ሕግ ያላቸው ልዩነታቸው ምንድነው? የሕግ ባለሙያው አቶ ተማም አባቡልጉ ማብራሪያ ሰጥተዋል።

እሸቴ በቀለ

ሸዋዬ ለገሠ

Audios and videos on the topic