1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

ኦስካር ፒስተርየስና የተሰጠው ብይን

ኦስካር ፒስተርየስ ጊዜ ጠብቆ ፤ አቅድ አውጥቶ ሰው የገደለ ወንጀለኛ አይደለም ሲሉ ዋና ዳኛ በየኑ ።የካቲት 7 ቀን 2005 ዓ ም ፣ ፈረንጆቹ (Valentine Day) በሚሉት ፣ ወንዶች ለሚያፈቅሯ ቸው የአበባ ሥጦታ በሚያበረክቱበት ዕለት ፣

መኖሪያ ቤቱ ውስጥ በመጸዳጃ ክፍል ውስጥ በነበረችው ፍቅረኛው ላይ ፣ ከበር ጥይት በማርከፍከፍ ሕይወቷን ያሳለፈው ፣ በፓራሊምፒኪስ ፣ የአካል ጉዳተኞች ኦሊምፒክስ ውድድር ዝነኛ የሆነው ደቡብ አፍሪቃዊው ኦስካር ፒስተርየስ፣ አቅድ አውጥቶ ፤ ጊዜ ጠብቆ ግድያ አልፈጸመም፣ ይህን የሚያረጋግጥ በቂ ማስረጃ አልቀረበም ሲሉ ዋና ዳኛ ቶኮዚሌ ማሲፓ በይነዋል።

ኦስካር ፒስተርየስ ሌባ ቤቴ የገባ መስሎኝ በደመ ነፍስ ነው የተኮስሁ በማለት ነበር ሲከራከር የቆየው። ይሁንና በፍርሃትም ይሆን በግድየለሽነት በወሰደው ርምጃ ፣ የሰው ሕይወት አጥፍቷል ሲሉ የፍርድ ቤቱ ዋና ዳኛ አስታውቀዋል። በመሆኑም ፣ ጥቅምት 3 ቀን ሌላ ብይን እንደሚሰጥ እንደሚሰጥ ነው የተገለጠው። የተጠቀሰው ዓይነት በደንታቢስነት የሰው ሕይወት የማጥፋት ርምጃ ፣ ደቡብ አፍሪቃ ውስጥ 15 ዓመት ያህል በእሥራት ያስቀጣል። ስለ ብይኑ ከህዝብና ከመገናኛ ብዙኀን የተሰነዘረው አስተያየት ምን የሚል ነው? በዚያው በፕሪቶሪያ፣ ደቡብ አፍሪቃ የኢትዮጵያውያን ማሕበረሰብ ድርጅት ዋና ጸሐፊ አቶ ደረጀ መኮንን ---

ዳኛ ቶኮዚሌ ማሲፓ ፤ በሙያቸው የታወቁና ፤ የህግን ልዕልና እንጂ ፣ የዚህ የዚያ ወገን ፤ ነጭ --ጥቁር የሚል ነገር ዋጋ እንደሌለው ያሳዩ አስተዋይ ዳና ናቸው የሚሉም አልታጡም። ይሁንና ብይናቸው፤ ከከሳሽ ጠበቆች ብቻ ሳይሆን በወንጀለኛ መቅጫ ሕግ ረገድ ባለሙያዎች ከሆኑ የሕግ ጠበብትም ተቃውሞ አልቀረለትም። ፒስተርየስ በግድያ ወንጀለኛ ነው የሚል ብይን ቢሰጥ ኖሮ ቢያንስ የ 25 ዓመት እሥራት ነበረ የሚያጋጥመው። የይግባኝ ክስ ይቀርብ ይሆን?

ኦስካር ፒስተርየስ በደቡብ አፍሪቃ የታወቀ ፤ ዝነኛ የአካል ጉዳተኛ አትሌት ነው። ፍቅረኛውን በተኮሰው ጥይት ለሕልፈተ ሕይወት መዳረጉ ብቻ ሳይሆን ፤ ከዚያ ቀደም ሲልም ሽጉጥ ታጥቆ በመዞር፤ ጆሐንስበርግ ውስጥ በአንድ የምግብ አዳራሽ ብዙ ሰዎች በተገኙበት፣ ከጠረጴዛ ሥር መተኮሱ ፣ ሕገ ወጥ በሆነ መንገድ ጥይት መሰብሰቡና ከመኪና ጣሪያ ላይ መተኮሱም የተመዘገበና ክስ ቀርቦ የተሻረለት መሆኑ ተወስቷል።

እርግጥ የከሳሽ ጠበቆችና የተከላካይ ጠበቆች ተጻራሪ አቋም ሊኖራቸው እንደሚችል የሚያጠራጥር አይደለም። በገለልተኛነት የሚከታተለው ክፍል ፤ እዚህ ላይ ማሕበረሰቡ ምን ይላል?

ተክሌ የኋላ

ነጋሽ መሐመድ

Audios and videos on the topic

ተዛማጅ ዘገባዎች