1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

መግቢያ

ኢትዮጵያውያን በበርሊን ማራቶን ድል ተቀዳጁ

ጀርመን መዲና በርሊን ውስጥ ዛሬ በተከናወነው የማራቶን ሩጫ ፉክክር አትሌት ቀነኒሳ በቀለ እና አትሌት አበሩ ከበደ ድል ተቀዳጁ። አትሌት ቀነኒሳ 42 ኪሎ ሜትሩን የሩጫ ውድድር ያሸነፈው የኬንያው ብርቱ ተፎካካሪ ዊልሰን ኪፕሳንግን ጥሎ በማለፍ ነው።

ቀነኒሳ ዛሬ ያሸነፈበት የ2 ሰአት ከ3 ደቂቃ ከ3 ሰከንድ ውጤቱ  በ6 ሰከንዶች ብቻ በመዘግየቱ የውድድሩን ክብርወሰን ለመስበር ሳይሳካለት ቀርቷል። ሆኖም የቀነኒሳ ውጤት የኢትዮጵያ ክብርወሰን መሆኑን የፈረንሳይ ዜና አገልግሎት ዘግቧል።  የበርሊን ማራቶን ክብርወሰን የተያዘው ባለፈው ዓመት በዴኒስ ኪሜቶ ነው።  በዛሬው ውድድር ኬንያዊው ዊልሰን ኪፕሳንግ ከቀነኒሳ በ10 ሰከንዶች ዘግይቶ በመግባት ሁለተኛ መውጣት ችሏል። ሌላኛው ኬንያዊ ኢቫን ኪፕላጋት ቼቤት ሦስተኛ ሲወጣ፤ ኢትዮጵያዊው ሲሳይ ለማ በአራተኛነት አጠናቋል። በበርሊን ማራቶን የሴቶች ውድድርም ድሉ ከኢትዮጵያውያን እጅ አልወጣም። አበሩ ከበደ በ2:20:45. በማጠናቀቅ አንደኛ መውጣት ችላለች። ኢትዮጵያውያቱ ብርሐኔ ዲባባ እና ሩቲ አጋ ተከትለዋት ሁለተኛ እና ሦስተኛ ሆነዋል። 

MS/LA