ኢትዮጵያውያን ስደተኞች በቱኒሲያ፤ | ኢትዮጵያ | DW | 15.11.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ኢትዮጵያውያን ስደተኞች በቱኒሲያ፤

የሊቢያው ጦርነት ከመካሄዱ በፊትና በጦርነቱ ወቅት ፤ ከዚያም በኋላ ፣ ወደ ሌሎች ሀገራት ፤ በተለይም ወደ አውሮፓ ለመግባት የሜድትራንያንን ባህር በጀልባዎች ለማቋረጥ ሲሞክሩ ፤ ዘግናኝ ሁኔታ እያጋጠማቸው በመስመጥ ህይወታቸውን ስላጡ ኢትዮጵያውያን

ሶማሌዎች ኤርትራውያንና ሌሎችም የአፍሪቃ ሃገራት ዜጎች ባለፉት 2 ዓመታት ገደማ በተደጋጋሚ ዘገባዎችን አዳምጠናል። የከፊሉ ስደተኞቹ እንጂ የብዙዎቹ ችግር እስከዛሬ

እልባት እንዳላገኘ ይሰማል። ከሊቢያው ጦርነት ሸሽተው ቱኒሲያ የገቡ ኢትዮጵያውያን እስካሁን በዚያው ድንበር አካባቢ  የሚገኙ ሲሆን፤ ትናንት አደባባይ በመውጣት ለ UNHCR ስለወደፊቱ ዕጣቸው አቤት ብለው ነበር። ተክሌ የኋላ ስልክ በመደወል ስደተኞቹን አነጋግሮ ነበር።

ዓለም አቀፉ የሰብአዊ መብት ተሟጋቹ ድርጅት AI ሊቢያ ውስጥ፤ በጥቁር አፍሪቃውያን ላይ የሚካሄደው ቁም ስቅል ማሳያ የግፍ እርምጃና  አፈሳ  ተባብሶ መቀጠሉን አጋልጧል። ካለፈው ዓመት ግንቦት እስካለፈው መስከረም፤ በሊቢያ 9 የስደተኞች መጠለያ ጣቢያዎችን የጎበኙት የ AI ሰዎች፤ 2,700 ያህል የውጭ ተወላጆች፤ ህገ-ወጥ በሆነ መንገድ ነው የገባችሁ ተብለው በእሥር በመማቀቅ ላይ መሆናቸውን ተገንዝበዋል። ከፊሉ የሊቢያ ህዝብ ፣ የሌሎች አገሮች ተወላጆች የሆኑ ጥቁር አፍሪቃውያንን  የጋዳፊ ቅጥረኛ ወታደሮች ነበራችሁ እያሉ እንደሚያጥላሏቸው ነው AI ያስታወቀው።

ስለሚያጋጥም  ስንትና ስንት አሰቃቂ ፈተና ፤ መከራ እየሰሙም ቢሆን፤  ወደ ደቡብ ፣ ሰሜንና ምሥራቅ የሚሰደዱት ኢትዮጵያውያን መጠን ሊገታ አልቻለም። የስደታቸው ምክንያት ዘርፈ ብዙ ነው። ሊቢያ ከገቡ በኋላ በጦርነቱ ሳቢያ ሊቢያና ቱኒሲያ ድንበር አካባቢ ፣ ቱኒሲያ ግዛት ውስጥ በመቶ የሚቆጠሩ ኢትዮጵያውያን ስደተኞች በዚያ የሚገኙ ሲሆን፣ ትናንት አደባባይ ስለወጡበት ምክንያት ጥቂቶቹን አነጋግሬ ነበረ። በመጀመሪያ አንዲት ወይዘሮ እንዲህ ብለውናል።

ሌላ ጎልማሣም  እንዲህ ብሶታቸውን አሰምተዋል ፤ አብረዋቸው ከነበሩት አንደኛው ተርጎሞልናል።

ቴዎድሮስ የተባለው ፤ ችግሩን መገናኛ ብዙኀን አውቀው ለሚመለከታቸው ጭምር በማሳሰብ መፍትኄ እንዲያፈላልጉን በማለት እንዲህ ነበረ የገለጸልን።

በዚያው በቲኒሲያ የሚገኙትን፤ የተባበሩት መንግሥታት የስደተኞች ከፍተኛ ኮሚሽን ቅርንጫፍ  መ/ቤት ባለሥልጣናት አግኝተን ለማነጋገር በተደጋጋሚ ያደረግነው ሙከራ አልተሣካልንም።

ኢትዮጵያውያን በተለያዩ አቅጣጫዎች እየተሰደዱ የሚያጋጥማቸው አሰቃቂ አደጋ ብቻ ሳይሆን ፣ የመሰደዳቸው ምክንያትና  ፤ መፍትኄው፣ በሀገር ውስጥም በውጭም ያለውን ኢትዮጵያዊውን ማኅበረሰብ በጥሞና  ሊያነጋግር የሚገባ ጉዳይ ነው።

ተክሌ የኋላ

ነጋሽ መሐመድ

Audios and videos on the topic

  • ቀን 15.11.2012
  • አዘጋጅ
  • ያትሙ ገፁን ያትሙ
  • Permalink http://p.dw.com/p/16jL4

ተዛማጅ ዘገባዎች

  • ቀን 15.11.2012
  • አዘጋጅ
  • ያትሙ ገፁን ያትሙ
  • Permalink http://p.dw.com/p/16jL4