1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

አዉሮጳ ኅብረት፤ ስደተኞችና ቱርክ

የአዉሮጳ ኅብረት ወደ አባል ሃገራቱ የሚገቡትን ስደተኞች ቁጥር ለመግታትና በስደተኞች ምክንያት በአህጉሩ ተፈጥሯል የተባለዉን ቀዉስ ለማስወገድ ከቀየሳቸዉ ዘዴዎች መካከል አንዱና ዋንኛዉ በቅርቡ ከቱርክ ጋር የገባዉ ዉል ነዉ።


የስምምነቱ ዋና ጭብጥ ከቱርክ እየተነሱ ወደ ግሪክና ወደ አዉሮጳ የሚገቡትን ስደተኞች ቱርክ እንድትቆጣጠርና በሕገ ወጥ መንገድ ግሪክ የደረሱትንም መልሳ እንድትወስድ የሚጠይቅ ሆኖ በምትኩም በተለይ የሶርያ ስደተኞች ወደ አዉሮጳ እንዲመጡ የሚደረግ መሆኑን የሚገልፅ ነዉ። ለዚህም ቱርክ በሶስት አመታት ውስጥ 6 ቢሊዮን ዩሮ ርዳታ ይሰጣታል፤ አንዳንድ ቅድመ ሁኔታዎች ከተሟሉም ዜጎችዋ ወደ ኅብረቱ አባል ሃገሮች ያለቪዛ መግባት ይችላሉ። ቱርክ የአዉሮጳ ኅብረት አባል ለመሆን የሚያስችላት ድርድርም ይቀጥላል ተብሎ ነበር።

ሆኖም ግን ባለፈዉ ሳምንት መጨረሻ ከወደ አንካራ በኩል ዋና ተደራዳሪና አጋር የነበሩት የቱርክ ጠቅላይ ሚኒስትር አኽሜት ዳቮቱግሉ ከስልጣናቸዉ የሚነሱ መሆናቸዉ መሰማቱና ፕሬዚዳንት ራቺብ ታይብ ኤርዶዋን ለቱርኮች ያለቪዛ ወደ ኅብረቱ አባል ሃገራት መግባት መፈቀድ የጠየቀዉን ሁኔታ ማጣጣላቸዉ የተደረሰዉን ስምምነት ጥያቄ ዉስጥ አስገብቶታል። የቱርክ የፖለቲካ ዉዝግብ በኅብረቱና በቱርክ ላይ ያለዉ አንደምታ በስደተኞች ጉዳይ የተደረሰዉ ስምምነትና እጣ ፈንታው በዚህ መሰናዶ የምንቃኘዉ ይሆናል።

ገበያዉ ንጉሴ

አዜብ ታደሰ

Audios and videos on the topic