1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

አወዛጋቢው የኬንያ ምርጫ እና ውጤቱ

የኬንያ የምርጫ እና የድንበር ኮሚሽን ዛሬ እንዳስታወቀው በስልጣን ላይ ያሉት ኡሁሩ ኬንያታ 98 በመቶ ድምጽ በማግኘት በሀገሪቱ በድጋሚ የተካሄደውን ምርጫ አሸንፈዋል፡፡ በጠቅላይ ፍርድ ቤት ትዕዛዝ በድጋሚ እንዲካሄድ ከተወሰነው ምርጫ በኋላ በሀገሪቱ የተለያዩ ቦታዎች ተቃውሞ እና ሁከት ተከስቷል፡፡

አውዲዮውን ያዳምጡ። 04:08

ኬንያታ ድጋሚ ምርጫውን አሸንፈዋል ተብሏል

የኬንያ የምርጫ አስፈጻሚ ኮሚሽን ሊቀመንበር ዋፉላ ቺቡካቲ ዛሬ እንደገለጹት ባለፈው ሐሙስ ጥቅምት 16 ቀን 2010 ዓ.ም በድጋሚ የተካሄደው ፕሬዝዳንታዊ ምርጫ “ነጻ፣ ፍትሃዊ እና ተዓማኒ ነበር” ብለዋል፡፡ ሊቀመንበሩ ይህን ቢሉም የተቃዋሚ ፓርቲው ዕጩ የሆኑት ራይላ ኦዲንጋ ራሳቸውን ያገለሉበት ምርጫ እንዳጠያየቀ አለ፡፡ ኦዲንጋ ምርጫውን እና የወደፊት አቅጣጫቸውን አስመልከቶ ዛሬ መግለጫ ይሰጣሉ ተብሎ ተጠብቆ ነበር፡፡ እንደከዚህ ቀደሞቹ ቀናት ሁሉ ዛሬም የኦዲንጋ ደጋፊዎች በኬንያ መዲና ናይሮቢ ምርጫውን ተቃውመው ሰልፍ ወጥተዋል፡፡ ከፖሊሶች ጋርም ተጋጭተዋል፡፡   

በኬንያ የአሜሪካ አምባሳደር ሮበርት ፍራንክ ጎዴክ ሀገራቸው በምርጫ ማግሥት በኬንያ የተከሰተው ሁከት በጥልቅ እንዳሳሰባት ዛሬ ገልፀዋል፡፡ ፖለቲከኞች እና መሪዎች ብጥብጡን እንዲያወግዙም ጥሪ አቅርበዋል፡፡ የኬንያ የጸጥታ ኃይሎች በሰላማዊ መንገድ ተቃውሟቸውን በሚገልጹ ሰልፈኞች ላይ የኃይል እርምጃ ከመውሰድ እንዲታቀቡ አሳስበዋል፡፡ የሰብዓዊ መብት ተሟጋቹ አምንስቲ ኢንተርናሽናል ዛሬ ባወጣው መግለጫ የኬንያ ፖሊስ በተቃዋሚ ደጋፊዎች እና ሰልፎች በሚካሄዱባቸው አካባቢ በነበሩ ሰዎች ላይ “ሕገ ወጥ የኃይል እርምጃ” ወስዷል ሲል ኮንኗል፡፡ ኬንያ ከምርጫ በኋላ ስላለችበት ሁኔታ ተባባሪ ዘጋቢያችንን ፍቅረማርያም መኮንን የሰጠውን ትንታኔ የድምጽ ማቀፉን በመጫን ያድምጡ፡፡

 

ፍቅረማርያም መኮንን

ተስፋለም ወልደየስ 

ሸዋዬ ለገሠ

 

Audios and videos on the topic

ተዛማጅ ዘገባዎች