1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

አቶ በቀለ ገርባን ጨምሮ የኦፌኮ አመራር አባላት ታሰሩ

ፓርቲው በኦሮሚያ በተቀሰቀሰው ተቃውሞ የታሰሩት ሰዎች ቁጥር 3500 መድረሱንም አስታውቋል።

የአዲስ አበባን ከተማ ከአጎራባች የኦሮሚያ ልዩ ዞኖች ጋር ለማስተሳሰር በሚል በመንግስት የቀረበው እቅድ ላይ በተቀሰቀሰው ተቃውሞ ከ3500 በላይ ሰዎች መታሰራቸውን ፓርቲው አስታውቋል። «ኦሮሚያ ውስጥ ባለው የህዝብ ተቃውሞ ምክንያት ብዙ አባላቶቻችንና ደጋፊዎቻችን እየተለቀሙ እየታሰሩ ነው።» ያሉት የፓርቲው ዋና ጸሐፊ አቶ በቀለ ነጋ አመራሮችም መታሰራቸውን ለዶይቸ ቬለ ተናግረዋል።የድርጅቱ ምክትል ዋናጸ ሓፊ አቶደ ጀኔ ጣፋ እና ቀዳሚ ምክትል ሊቀ-መንበሩን አቶ በቀለ ገርባ በተጨማሪ አምስት የወጣት አመራሮች መታሰራቸውን የኦሮሞ ፌዴራሊስት ኮንግረስ ዋና ጸሓፊ አቶ በቀለ ነጋ ዛሬ ለዶይቼ ቬለ ተናግረዋል።

ከዚህ ቀደም የ8 ዓመት ከሰባት ወራት እሥር ተበይኖባቸው በይግባኝ ለአምስት አመት ከሦስት ወራት የታሰሩትና ከጥቂት ወራት በፊት የተፈቱት አቶ በቀለ ገርባ የተያዙት ከአዳማ መኖሪያ ቤታቸው መሆኑን እና በአሁኑ ወቅት ወደ ማዕከላዊ ምርመራ መወሰዳቸውን አቶ በቀለ ነጋ ተናግረዋል። የድርጅቱ ምክትል ዋና ጸሓፊ አቶ ደጀኔ ጣፋ ደግሞ አዲስ አበባ ከመንገድ ላይ በጸጥታ ኃይሎች መወሰዳቸውን ዋና ጸሓፊው አረጋግጠዋል።አቶ በቀለ ነጋ ፓርቲውም ሆነ የፖለቲከኞቹ ቤተሰቦች ለእስሩ ምክንያት እንዳልተሰጣቸው ተናግረዋል።

የአውሮጳ ህብረት ባለፈው ሳምንት ባወጣው መግለጫ በኢትዮጵያ የኦሮሚያ እና የአማራ ክልሎች በተቀሰቀሰው ተቃውሞ ሰዎች መሞታቸውን ገልጦ ሁሉም ወገኖች ለልዩነቶቻቸው ሰላማዊ እና ዘላቂ መፍትሔ እንዲፈልጉ አሳስቧል። የአውሮጳ ሕብረት በመንግስት እቅድ ስጋት የገባቸውን የህብረተሰብ ክፍሎች ማማከር እንደሚገባም ጠቁሟል።

እሸቴ በቀለ
ማንተጋፍቶት ስለሺ

ተዛማጅ ዘገባዎች