ታቸር ጠንካራዋ የብሪታኒያ ጠ/ሚኒስትር | ዓለም | DW | 09.04.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

ታቸር ጠንካራዋ የብሪታኒያ ጠ/ሚኒስትር

በብሪታኒያ ታሪክ ብቻ ሳይሆን በአውሮፓም የመጀመሪያዋ ሴት ጠቅላይ ሚኒስትር ፥ በዚሁ ሥልጣን ረዥም ጊዜ በመቆየትም እንዲሁ የመጀመሪያዋ የብሪታኒያ መሪ ነበሩ ፣ ትናንት በ87 አመታቸው ያረፉት የቀድሞዋ የብሪታኒያ ጠቅላይ ሚኒስትር ማርግሬት ታቸር ።

ARCHIV - Die ehemalige britische Premierministerin Margaret Thatcher am 6.10.1999 auf dem Jahreskongress der konservativen Partei in Blackpool. Der Falkland-Krieg zwischen Argentinien und Großbritannien war auch der Konflikt zweier schillernder Staatsleute: Die für ihre Unnachgiebigkeit berühmt gewordene Premierministerin Margaret Thatcher und Argentiniens Junta-Chef Galtieri. (zu Themenpaket Falkland) +++(c) dpa - Bildfunk+++

Bildergalerie Margaret Thatcher Archiv 06.10.1999

ትናንት ላረፉት ለቀድሞዋ የብሪታኒያ ጠቅላይ ሚኒስትር ማርግሬት ታቸር የመጨረሻ ስንብትና የቀብር ስነስርዓት ዝግጅት ተጀምሯል ። የመጨረሻው ስንብትና የቀብር ስነርስርዓቱም የዛሬ ሳምንት ረቡዕ እንደሚከናወን የብሪታኒያ ጠቅላይ ሚኒስትር ዴቪድ ካሜሮን ቢሮ አስታውቋል ። የብሪታኒያ ፓርላማ አባላት ለታቸር በመንግሥት ደረጃ ለመሪዎች የሚደረግ ስንብት እንዲደረግላቸው ቢጠይቁም የታቸር ቃል አቀባይ ግን ይህ እንዲደረግ እንደማይፈልጉ ታችተር በህይወት ሳሉ ማስታወቃቸውን ተናግረዋል ። ቀዝቃዛው ጦርነት እንዲያበቃ እገዛ ባደረጉት በታቸር ሞት የአለም መንግሥታት የተሰማቸውን ሃዘን በመግለፅ ላይ ናቸው ። በብሪታኒያ ታሪክ ብቻ ሳይሆን በአውሮፓም የመጀመሪያዋ ሴት ጠቅላይ ሚኒስትር ፥ በዚሁ ሥልጣን ረዥም ጊዜ በመቆየትም እንዲሁ የመጀመሪያዋ የብሪታኒያ መሪ ነበሩ ፣ ትናንት በ87 አመታቸው ያረፉት የቀድሞዋ የብሪታኒያ ጠቅላይ ሚኒስትር ማርግሬት ታቸር

Flash-Galerie Michail Gorbatschow 80. Geburtstag

ታቸርና ጎርባቾቭ

በጠንካራ አመራራቸውና በቆራጥነታቸው ከቀደሙት ወንድ አቻዎቻቸው የላቀ ቦታ የሚሰጣቸው ታችተር በ20ኛው ክፍለ ዘመን ባራመዱት ፖለቲካ ዝናቸው በአለም ዙሪያ ናኝቷል ። በጎርጎሮሳውያኑ አቆጣጠር ግንቦት 4 1979 ነበር የብሪታኒያ ጠቅላይ ሚኒስትር ሆነው መንግሥት የመሰረቱት ።
«ግርማዊት ንግሥት አዲስ መንግሥት እንድመሰርት ጠይቀውኛል። ይህንንም ተቀብየዋለሁ »
ወግ አጥባቂዋ ታችተር እጎአ በ1979 በተካሄደ ምርጫ በብሪታኒያ የተፈጠረውን የኢንዱስትሪ አለመረጋጋት ችግር ማስወገድ ያቀተውን በሌበር ፓርቲ የሚመራውን መንግሥት አሸንፈው ነበር ለሥልጣን የበቁት ። ታችተር በሥልጣን ዘመናቸው ታቸሪዝም የሚል መጠሪያ በተሰጠው ፤የዋጋ ግሽበትን በመቀነስ ፣ የመንግሥት ንብረቶችን ወደ ግል ይዞታዎች በማዛወር ነፃ ኤኮኖሚን በማራመድ እንዲሁም የገንዘብ ቁጥጥር በማድረግ ላይ ባተኮረው መርሃቸው ይታወቃሉ ። በርሳቸው ዘመን ወደ ግል ይዞታ ከተዛወሩት በርካታ ኩባንያዎች መካከል የብሪታኒያ አየር መንገድና በእንግሊዘኛው ምህፃር BP በመባል የሚታወቀው የብሪታኒያ ነዳጅ ዘይት ኩባንያ ይገኙበታል ።

Die britische Premierministerin Margaret Thatcher, Bundeskanzler Helmut Kohl und der US-amerikanische Präsident Ronald Reagan (l-r) am 3. Mai 1985 auf dem Weltwirtschaftsgipfel in Bonn.

ታቸር ኮልና ሬገን

በማያዳግም ውሳኔያቸውና በጠንካራ እርምጃዎቻቸው Iron Lady ብረቷ ሴት የሚል መጠሪያ የተሰጣቸው ታቸር ብዙውን ጊዜ ለህዝብ አስተያየት እብዛም የማይጨነቁ ከዚያ ይልቅ በመርህና በአቋማቸው የሚፀኑ መሪ ነበሩ ።
ነገሮችን አድበስብሰው ማለፍ የማይሆንላቸው ሃሳባቸውን በቀጥታ ከመሰንዘር ወደ ኋላ የማይሉም ነበሩ ። ይህን ባህርያቸውም ከአባታቸው እንደወረሱት ይገመታል ። በአንድ ወቅት እንደተናገሩት አባታቸው ሁሌም የራሳቸውን ሃሳብ እንዲከተሉ ይመክሯቸው ነበር ።
« በልጅነቴ አባቴ ከሌላው ላለመለየት ብለሽ ብዙሃኑን እንዳትከተይ ፣ማድረግ የምትፈልጊውን ራስሽ ወስኚ ሲል በግልፅ ይነግረኝ ነበር ። »
ታቸር ዝና ይበልጡን የናኘው እጎአ በሚያዚያ 1982 በ ፎክላንድ ደሴት ሰበብ ብሪታኒያ ከአርጀንቲ ጋር ያካሄደችው ጦርነት በድል ከተጠናቀቀ በኋላ ነው ። ድሉ በአመቱ የተካሄደውን ምርጫ በሰፊው ለማሸነፍ አብቅቷቸዋል ። በቀዝቃዛው ጦርነት ወቅት አሜሪካን ብሪታኒያ ውስጥ የኒዩክልየር ሚሳይል እንድትተክል እስከመፍቀድ የደረሱ የያኔው የአሜሪካኑ ፕሬዝዳንት ሮናልድ ሬገን ጥብቅ ወዳጅም ነበሩ ። በቀዝቃዛው ጦርነት ማብቂያ የሶቭየት ህብረቱ መሪ ሚኻኤል ጎርባቾቭ አጋር የነበሩት ታቸር የጀርመን ውህደት ደህንነታችንን አደጋ ላይ ይጥላል ሲሉ ተቃውመው ነበር ።

David Cameron und Margaret Thatcher in der Downing Street

ታቸርና ካሜሩን

አሁን ወደ አውሮፓ ህብረትነት የተቀየረው የያኔው የአውሮፓ ማህበረሰብ ኃይል መጠናከሩን በ1990 ባደረጉት ንግግር አጥብቀው ተቃውመዋል ። ይህ ንግግራቸው በርካታ ባልደረቦቻቸውን ጭምር አስቆጥቶ ተዋቂ ሚኒስትሮቻቸውም እንዲነሱባቸው አድረገ ። ብዙም ሳይቆዩ ከሥልጣን ተሰናበቱ ። ቀጣዩ ምርጫ በተካሄደበት በ1992 ከህዝብ ተወካዮች ምክር ቤት አባልነት ለቀቁ ። በቀጣዮቹ አመታት ሁለት ጊዜ ማስታወሻዎቻቸውን አሳትመዋል ። በታቸር ሞት በርክታ የአለም መንግሥታት ሃዘናቸውን ገልፀዋል ። ከነዚህም አንዱ የጀርመን ውጭ ጉዳይ ሚኒስትር ጊዶ ቬስተርቬለ ናቸው ።
«ማርግሬት ታችተር በህይወት ዘመናቸው ላከናወኗቸው በርካታ ተግባራት እናመሰግናቸዋለን ። በዚህ ሰአት ለሚሰማን የአውሮፓውያን አንድነት መንፈስ ለአውሮፓ ታሪክና ለአለም ትተዉት ባለፉት ታላቅ ሥምና ዝናቸውም እናደንቃቸዋለን ።

ሂሩት መለሰ

ሸዋዬ ለገሠ

Audios and videos on the topic