1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ተስፋ አስቆራጩ የኃይል መቆራረጥ

የኢትዮጵያ መንግሥት የኤሌክትሪክ ኃይል አገልግሎት አቅርቦት እና የተቋሙ አገልግሎት አሰጣጥ ቅሬታ ይቀርብበታል። የኃይል አቅርቦቱ በተደጋጋሚ ይቆራረጣል ሲሉ ቅሬታ የሚያቀርቡ ኢትዮጵያውያን አገልግሎቱ የሚታዩበት ችግሮች በቅርብ ጊዜ መፍትሔ ለማግኘቱ ጥርጣሬ አላቸው።

አውዲዮውን ያዳምጡ። 01:58

የሚደጋገመዉ የኃይል መቆራረጥ

ኢትዮጵያ ለጎረቤቶቿ ኬንያ፤ሱዳን እና ጅቡቲ የኤሌክትሪክ ኃይል ትሸጣለች። አዳዲስ የኃይል ማመንጫዎች በመገንባት ላይ የምትገኘው ኢትዮጵያ እነ ታንዛኒያ እና የመንን ከደንበኞቿ መካከል ልታደርግም አቅዳለች። የኃይል አቅርቦቱም ሆነ የአገልግሎት አቀራረቡ ግን በኢትዮጵያውያን ዘንድ ወቀሳ ይበዛበታል። የሆለታ፤ሎጊያ ወልዲያ ከተሞች ነዋሪዎች እንደሚሉት የኃይል መቆራረጡ በለት ተለት ሕይወታቸው ላይ ጫና አሳድሯል። 

በዋትስ አፕ አስተያየታቸውን ያደረሱ አድማጮቻችን እንደሚሉት ጅማ አካባቢ የመቆራረጥ ችግር የተለመደ ነው፤በአዳማ ከተማ ቀበሌ አስራ አራት መብራት በቀን በአማካኝ ሶስት ጊዜ ይጠፋል።  በኃይል መቆራረጥ ሳቢያ ወሎ ውርጌሳ «ሕብረተሰቡ ከፍተኛ ችግር ላይ ነው። በተለይ ወፍጮና ዳቦ ቤት።» የኢትዮጵያ መንግሥት የኃይል አቅርቦቱም ይሁን የአገልግሎት አሰጣጡ ያሉበትን ችግሮች ለመፍታት በተደጋጋሚ ቃል ቢገባም በተግባር የታየው ግን ዜጎችን አላረካም።

እሸቴ በቀለ

አርያም ተክሌ 

Audios and videos on the topic