1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

ብሪታኒያና የአውሮፓ ህበረት

ጠቅላይ ሚኒስትሩ ህዝቡ እንዲወስን የሚያደርጉት ወግ አጥባቂው ፓርቲያቸው በመጪው ምርጫ ካሸነፈ ሲሆን ህዝበ ውሳኔውንም እ.ጎ.አ በ2017 መጨረሻ ለመጥራት ነው ያቀዱት ። አስቀድሞ ግን በአዲሱ ስምምነት ላይ እንደገና ለመደራደር ይፈልጋሉ ። ሆኖም ይህ የድርድር ጥሪ ከቅርብ አጋሮቿም ሆነ ከህብረቱ ባለሥልጣናት በኩል በጎ ምላሽ አላገኘም ።

የብሪታኒያው ጠቅላይ ሚኒስትር ዴቪድ ካምረን ብሪታኒያ የአውሮፓ ህብረት አባል ሆና እንድትቀጥል ያቀረቡት የአዲስ ድርድር ጥሬ የአባል ሃገራትን ድጋፍ አላገኘም ። ካምረን በትናንቱ ንግግራቸው ሃገራቸው በህብረቱ ውስጥ እንድትቆይ ትግላቸውን ለመቀጠል ፈቃደኝነታቸውን መግለፃቸውን የአውሮፓ ህብረት ባለሥልጣናት በትህትና ቢቀበሉም የለንደን ዋነኛዎቹ ወዳጆች ሳይቀሩ አብዛናዎቹ ለጥሪያቸው ጀርባቸውን ነው የሰጧቸው።

የብሪታኒያ ጠቅላይ ሚኒስትር ዴቬድ ካምረን ብሪታኒያ የአውሮፓ ህብረት አባል ሆኖ እንድትቀጥል ወይም ደግሞ ህብረቱን ለቃ እንድትወጣ የመወሰን ምርጫን ለህዝባቸው ለመስጠት ቃል መግባታቸው ከአጋሮቻቸው በኩል ትችትና ወቀሳን አስከትሏል ። ጠቅላይ ሚኒስትሩ ብሪታኒያ ከህብረቱ ጋር ትቀጥል ወይም ትውጣ ሲል ህዝቡ እንዲወስን የሚያደርጉት ወግ አጥባቂው ፓርቲያቸው በመጪው ምርጫ ካሸነፈ ሲሆን ህዝበ ውሳኔውንም እ.ጎ.አ በ2017 መጨረሻ ለመጥራት ነው ያቀዱት ። ከዚያ አስቀድሞ ግን በአዲሱ የህብረቱ ስምምነት ላይ እንደገና ለመደራደር ይፈልጋሉ ። ሆኖም ይህ የድርድር ጥሪ

Bundeskanzlerin Angela Merkel (CDU) und der britische Premierminister David Cameron geben am Freitag (18.11.2011) eine Pressekonferenz im Kanzleramt in Berlin. In ihrem Gespräch zuvor ging es unter anderem um die Bekämpfung der Euro-Krise und eine möglichen Finanztransaktionssteuer. Foto: Hannibal dpa/lbn +++(c) dpa - Bildfunk+++

ኬምረንና ሜርክል

ከቅርብ አጋሮቿም ሆነ ከህብረቱ ባለሥልጣናት በኩል በጎ ምላሽ አላገኘም ። ካምረን ሃገራቸው በህብረቱ ውስጥ እንድትቆይ እፈልጋለሁ እያሉ ቅድመ ሁኔታዎችን በማስቀመጣቸው ብዙዎቹ አልተስማሙም ። ይህን የካምረን አቋም ከተቃወሙት አንዷ ጀርመን ናት ። የጀርመን ውጭ ጉዳይ ሚኒስትር ጊዶ ቬስተር ቬለ ።

« ይሄ የፈለጉትን ብቻ መምረጥ የሚቻልበት የፖለቲካ አሰራር አይሰራም አውሮፓ በአጠቃላይ በተናጠል በዚህ በአፅናፋዊው የኤኮኖሚ ትስስር ዘመን የብሔራዊ ፍላጎት ማርኪያ ሳትሆን ክፉውንም በጎውንም ለመቀበል የተዘጋጀ ማህበረሰብ ነው ። »

ዴቬድ ካምረን በትናንቱ ንግግራቸው የአውሮፓ ህብረት ብሪታኒያ አባል ያልሆነችበትን የዩሮ ቀውስ በመፍታት መጠመዱን አስታውሰው የዩሮ ቀውስና ሌሎችም ህብረቱ ያጋጠሙት ፈተናዎች መፍትሄ ካልተገኘላቸው የአውሮፓ ውድቀት መከተሉ የብሪታኒያ ህዝብም ህብረቱን ወደ መልቀቅ ማዘንበሉ እንደማይቀር አሳስበዋል ። ህብረቱ የተሃድሶ እርምጃ ካልወሰደም ብሪታኒያ ማፈንገጧ አይቀሬ ነው ሲሉም አስጠንቅቀዋል ።

Britain's Prime Minister David Cameron speaks during the annual meeting of the World Economic Forum (WEF) in Davos January 24, 2013. REUTERS/Pascal Lauener (SWITZERLAND - Tags: POLITICS BUSINESS)

ኬምረን

በሂደት የሚያረካቸው ስምምነት ላይ መድረስ ከቻሉ ግን ሃገራቸው በህብረቱ አባልነት እንድትቀጥል ከልባቸው እንደሚጥሩም ተናግረዋል ። ሆኖም ካምረን ከህብረቱ ጋር አንድ አግባቢ ውል ላይ ባይደርሱ የሚወስዱት እርምጃ ምን እንደሚሆን ከመግለፅ ተቆጥበዋል ። የአውሮፓ ህብረት ምክር ቤት ፕሬዝዳንት ማርቲን ሹልትዝ የካምረን ንግግር ርስ በርሱ የሚቃረን ነው ያሉት

« ከንግግሩ መጥፎው ነገር እርስ በርስ የሚጋጭ መሆኑ ነው ። በአንድ በኩል የውስጥ ገበያ እንደሚፈልጉ ይናገራሉ ። በሌላ በኩል ደግሞ ደንቦቹ እንዲቀነሱ ይሻሉ ። አንድ ነገር ግን ግልፅ ነው ። 80 በመቶ የአውሮፓ ህብረት ደንቦች የውስጥ ገበያ ደንቦች ናቸው ። ይህም በጉዳዩ ውስጥ ዘልቀው አለመግባታቸውን ያመለክታል ። »

Bundesaußenminister Guido Westerwelle (FDP) spricht am 14.01.2013 in Kiel (Schleswig-Holstein) vor dem Neujahrsempfang der Partei mit Journalisten. Westerwelle bot Unterstützung für das afrikanische Land Mali an. Foto: Carsten Rehder/dpa +++(c) dpa - Bildfunk+++

ቬስተርቬለ

ፈረንሳይ በበኩሏ የብሪታንያን የድርድር ጥሬ ፣ በምግብ መረጣ ና አንድ አይነት የስፖርት ጨዋታ ጀምሮ በመካከሉ እርሱን ትተን ሌላ ጨዋታ እንቀይር አይነት ጥያቄ ነው ስትል ነው ያጣጣለችው ። ውጭ ጉዳይ ሚኒስትሯ ሎሮን ፋብዩስ ይሄ ይስማማኛል ያንን አልፈልግም የሚል ምርጫ በጋራ ማህበር ውስጥ አያስኬድም ነው ያሉት ። የጀርመን መራሂተ መንግሥት አንጌላ ሜርክል ደግሞ ለዘብ ያለ አስተያየት ነው የሰጡት ።

« የእያንዳንዱን የግል ፍላጎት ለማራመድ ከሆነ አካሄዱ ማንኛውም የአውሮፓ ህብረት አባል ሃገር ይህን ፈለግ መከተል ይችላል ። ግን አውሮፓ ማለት ምን ጊዜም ገለጋይ ስምምነት ላይ የሚደረስበት መሆን አለበት ። በዚህ መሠረት የብሪታንያን ፍላጎት በተመለከተ ለመነጋገር ዝግጁ ነን ። »

ካሜሩን የብሪታኒያ ህዝብ የአውሮፓ ህብረት አባል ሆኖ መቀጠል አለመቀጠል ላይ የህዝበ ውሳኔ እድል እንደሚሰጡ መናገራቸው ከአውሮፓ ህብረት አባላት ብቻ ሳይሆን ከሃገር ውስጥም ተቃውሞ አስከትሏል ። መፍቅሬ አውሮፓዎቹ የመንግሥቱ ተጣማሪዎች ነፃ ዲሞክራቶች እንዲሁም ዋነኛው ተቃዋሚ ሌበር የካምረንን እቅድ ተቃውመዋል ።

ሂሩት መለሰ

ሸዋዬ ለገሠ

Audios and videos on the topic