1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ባህል

ብሩክ የሺጥላ እና ስዕሎቹ

የዛሬው የወጣቶች ዓለም እንግዳችን ሰዓሊ ብሩክ የሺጥላ ይባላል። ወጣቱ የሚስላቸው ስዕሎች ብቻ ሳይሆኑ የሚስልበት ሁኔታም ከበርካታ ሰዓሊዎች ለየት ያደርገዋል።

ሰዓሊ ብሩክ የሺጥላ እስካሁን አንድ በጋራ እና ሶስት ደግሞ የግል አውደ ርዕዮችን ለተመልካች አቅርቧል። ብሩክ የስዕሎቹን ይዘት እና መልዕክት አጫውቶናል።

Brook Yeshitila Künstler mit Behinderung

የብሩክ እንደ ጠመኔ፣ እንቁላል እና ሌሎች መገልገያዎችን እየተጠቀመ ይስላል።

ከዚህም ሌላ ልደቱን ነገ ያከብራል። ዕለቱ ግን የተወለደበት ቀን አይደለም። ልደቱን አስቀድሞ ማክበር ያስፈለገበት ምክንያት የተወለደበት ቀን ትልቅ ቀዶ ህክምና ስለሚኖረው ነው። ይህ ብቻ አይደለም።

ካለፉት ሰባት አመታት አንስቶ ልደቱን ከጓደኞቹ ጋር ተሰባስቦ ሲያከብር፤ ወጣቱ የሚያከብርበትን ገንዘብ ለሌሎች የሚጠቅሙ ነገሮችን በመግዛት ወይም በማድረግ እንደሚያሳልፍ ገልፆልናል። ያለፈውን ዓመት ለምሳሌ ድሮ ለተማረበት ት/ቤት የ8ኛ ክፍል ተማሪዎች መፅሀፍ ሲገዛ፤ ለዚህኛው አመት ደግሞ አዲስ እቅድ አለው። የብዙ ሰዎችን ህይወት ለማትረፍ ሰዎችን ሰብስቦ ደም እንዲለግሱ ያደርጋል።

ብሩክ ከቀዶ ህክምናው በኋላ አዲስ አውደ ርዕይ ለማሳየት አላማ እንዳለው ነግሮናል። ከዛ በፊት የብሩክን ስዕሎች ለማየት ለምትፈልጉ አድማጮች ድረ ገፁ www.brookyeshitila.comነው።

ከብሩክ የሺጥላ ጋር የነበረንን ቆይታ ከድምፅ ዘገባው ያገኙታል።

ልደት አበበ

ተክሌ የኋላ

Audios and videos on the topic