1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

ቤጂንግ፤ በተበከለ አየር ማራቶን ተካሄደ

የተበከለ አየር ባጠላባት የቻይና መዲና ቤጂንግ ውስጥ በተካሄደ የማራቶን ሩጫ ውድድር ኢትዮጵያውያን አሸናፊ ሆኑ። በውድድሩ ወደ 25000 የሚጠጉ ሯጮች ተሳታፊ መሆናቸውም ተዘግቧል።

የዓለም የአትሌቲክስ ውድድርን የቻይና መዲና ቤጂንግ ልታስተናግድ አንድ ዓመት ገደማ ሲቀረው ዛሬ የተበከለ አየር በሞላበት ሰማይ የማራቶን ውድድር ተካሄደ። እንደዚያም ሆኖ በሴቶችም ሆነ በወንዶች የማራቶን ሩጫ ውድድር ኢትዮጵያውያን አሸናፊ ሆነዋል። በሴቶች ማራቶን ፋጡማ ሳዶ ዴርጎ፣ በወንዶች ደግሞ ግርማይ ብርሃኑ ገብሩ ናቸው ውድድሩን በአሸናፊነት ያጠናቀቁት። 25 000 የሚጠጉ የውድድሩ ተካፋዮች፣ የአየር ብክለቱን ለመከላከል ፊታቸው ላይ ጭንበል አድርገው መሮጣቸው ተገልጿል። ውድድሩ ሲጀመር የአየር ብክለቱ 400 ሚክሮ ግራም በኪውቢክ ሜትር የነበረ ሲሆን፤ እንደ የዓለም የጤና ድርጅት ከ25 ሚክሮ ግራም ጀምሮ የተበከለ አየር ለጤና ጎጂ ነው። የውድድሩ አዘጋጆች ግን ዝግጅቱን ሳይሰርዙ ሩጫው ተካሂዷል። የቻይና መዲና ከመኪናዎች በሚለቀቁ የተቃጠሉ ጋዞች ከመበከሏ ባሻገር ከተማዋ ከፍተኛ የድንጋይ ከሠል ኃይል ጥገኛ ናት።

ማንተጋፍቶት ስለሺ

ልደት አበበ