1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

በ2018 የጀርመን ሚና በአውሮጳ ህብረት   

ጀርመን የአውሮጳ ምሰሶ በመሆን ህብረቱ በልዩነቶች መካከልም ቢሆን አንድነቱን አጠናክሮ እንዲቀጥል ከፍተኛውን ሚና ስትጫወት ቆይታለች። የኤኮኖሚ ኃያልነቷ እና ትልቅነቷ ብቻ ሳይሆን ከሌላዋ ትልቅ ሀገር ፈረንሳይ ጋር ተግባብታ መስራቷ ለህብረቱ መጠናከር በእጅጉ ረድቷል።

አውዲዮውን ያዳምጡ። 08:51

በአውሮጳ ህብረት የአንጌላ ሜርክል ሚና  

በአውሮጳ ህብረት የጀርመን እና የፈረንሳይ ልዩ ትብብር እና መግባባት አንዳንዶች እንደሚሉት ምናልባት ብሪታንያን ከህብረቱ እንድትወጣ ገፋፍቷት ካልሆነ በስተቀር ህብረቱ አሁን ወዳለበት ደረጃ እንዲደርስ ግን ወሳኝ ሚና ነበረው፣ አሁንም አለው። በአውሮጳ ህብረት ውስጥ ጀርመን ለምትጫወትው ሚና ደግሞ መራሒተ መንግሥት አንጌላ ሜርክል ከፍተኛ ድርሻ አበርክተዋል።

ጀርመንን ላለፉት 12 ዓመታት የመሩት አንጌላ ሜርክል ህብረቱን በሚፈታተኑት ችግሮች ዙርያ የጋራ የመፍትሔ ሀሳቦችን በማፍለቅ እና አባል ሀገራት በአንድነት እንዲቆሙ በማድረግ በኩል ብቃት ያሳዩ መሪ መሆናቸው ይጠቀሳል። ባለፈው መስከረም ወር በተደረገው ምርጫ ሜርክል እና ፓርቲያቸው አሸናፊ ሆነው ጀርመንን ለሚቀጥሉት አራት ዓመታት ለመምራት የሚያስችላቸውን መንግሥት ለመመሥረት ጥረት እያደረጉ ነው። ሆኖም ግን የዘንድሮው ምርጫ ውጤት ሜርልን በስልጣን ሊያቆይ የሚችል ከመሆን ባለፈ፣ በተለይ በአውሮፓ ህብረት ፕሮጀክቶች ላይ ከዚህ ቀደም እንደነበሩት ተፅዕኖ ፈጣሪ ሆነው ለመቀጠል እንደማይሆን የፖለቲካ ተንታኞች ይገልጻሉ።

ገበያው ንጉሤ

አርያም ተክሌ

Audios and videos on the topic

ተዛማጅ ዘገባዎች