1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

በጋምቤላ የደረሰዉ ጥቃት እና ትችቱ

በጋምቤላ ለተፈጠረዉ የሰዉ ሕይወት መጥፋት እና መታገት ምክንያቱ የመንግሥት ንዝህላልነት የፈጠረዉ ችግር ነዉ ሲሉ የተቃዉሞ ፖለቲካ ፓርቲዎች ወቀሱ።

አውዲዮውን ያዳምጡ። 03:49

የጋምቤላ ጥቃት

የኢትዮጵያ ፌደራላዊ ዴሞክራሲ አንድነት መድረክ እና ሰማያዊ ፓርቲ በጋራ ባወጡት የጽሑፍ መግለጫ እና ለዶይቼ ቬለ በሰጡት ተጨማሪ ማብራሪያ መንግሥት ለዜጎቹ አስፈላጊዉን ጥበቃ ሳያደርግ ትጥቅ እንዲፈቱ በመደረጉ የተፈጠረ ችግር መሆኑን አመልክተዋል።

UNHCR Flüchtlingslage in Gambella Äthiopien

ጋምቤላ የተጠለሉት የደቡብ ሱዳን ስደተኞች

የሀገሪቱ ምክር ቤት በበኩሉ ሁለት የሀዘን ቀናት እንዲታወጅ ወስኗል። ከደቡብ ሱዳን ጋር በሚጎራበተዉ የጋምቤላ ክልል 13 የተለያዩ ቀበሌዎች የሚኖሩ ከሁለት መቶ በላይ የኑየር ጎሳ አባላት ኢትዮጵያዉያን ሰሞኑን ከጎረቤት ደቡብ ሱዳን በመጡ ታጣቂዎች መገደል መንስኤዉ አካባቢዉን የሚከላከል ኃይል ባለመኖሩን መሆኑን የክልሉ ተወላጆችም ይገልጻሉ። የግድያዉ ሰለባዎች በአብዛኛዉ ሴቶች፣ አረጋዉያን እና ሕፃናት መሆናቸዉን ከአካባቢዉ የሚወጡ መረጃዎች ይጠቁማሉ። ከሟቾቹ በተጨማሪም ከአንድ መቶ የሚበልጡ ሕፃናትም በታጣቂዎቹ ታፍነዉ መወሰዳቸዉ፤ ከ 2000 በላይ ከብቶችም መዘረፋቸዉ ተገልጿል። ዘገባዎች እንደሚያመለክቱት ጥቃት አድራሾቹ በደቡብ ሱዳን ጆንግሌ እና አፐር ናይል ግዛቶች የሚገኙት የሙርሌ ጎሳ አባላት ናቸዉ። የሚኖሩበት አካባቢ በጦር መሣሪያ መጠቅለቅለቁም ተጠቅሷል። የጋምቤላ ክልል በሺህዎች የሚቆጠሩ ደቡብ ሱዳናዉያን ከሀገራቸዉ ጦርነት ሸሽተዉ የጠጉበት ስፍራ ነዉ።

ዮሐንስ ገብረ እግዚአብሔር/ናትናኤል ወልዴ

ሸዋዬ ለገሠ

ነጋሽ መሐመድ

Audios and videos on the topic

ተዛማጅ ዘገባዎች