በወግ ያልተያዘዉ ሀብት | ጤና እና አካባቢ | DW | 05.02.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ጤና እና አካባቢ

በወግ ያልተያዘዉ ሀብት

ዉሃ ጥንቃቄ ከማይደረግላቸዉ የተፈጥሮ ሃብቶች አንዱና ዋነኛዉ ነዉ። ከቤት ዉስጥ አገልግሎት አንስቶ ለእርሻዉና ለኢንዱስትሪዉ ፍጆታ ያለእቅድ ሥራ ላይ የሚዉለዉ ዉሃ ተገቢዉ ጥንቃቄ ካልተደረገለት ቀስ በቀስ እጥረት ሊያጋጥም እንደሚችል የዘርፉ ተመራማሪዎች ጥናት ዉጤት ያመለክታል።

ከተፈጥሮና የአጠቃቀም ጉድለት ተዳምሮም ሐይቆችና ወንዞችን ማድረቅ መጀመሩም የዚህ ማስጠንቀቂያ ነዉ የሚሉ አሉ። መረጃዎች እንደሚጠቁሙት በተለያዩ የዓለም ክፍሎች የሚገኙ ወንዞች እና ሃይቆች ዉሃቸዉ ነጥፎ እየደረቁ ነዉ። ሰባት ቢሊዮን ለደረሰዉ የዓለም ህዝብ መሠረታዊ የሆነዉ ህይወት አለምላሚ ዉሃ ከየምንጩ በሚያርፍበት ከፍተኛ የተፈጥሮና ሰዉ ሠራሽ ምክንያት ለችግር መጋለጡ ይታያል።

Wasser Trinkwasser Wasserhahn läuft

ዉሃ ለመጠጥ፤ እህል ለማምረት፤ ምግብ ለማብሰል፤ ለኃይል ምንጭነት እንዲሁም ለኢንዱስትሪ ምርትና ለመሳሰሉት በከፍተኛ ደረጃ ሥራ ላይ ይዉላል። በየቀኑ ለእርሻ፤ ለኢንዱስትራና ለንግዱ ዘርፍ የሚዉለዉ ሳይጠቀስ አራት የቤተሰብ አባላት በአንድ ቤት ብቻ በአማካኝ ወደ400 ጋሎን ዉሃ ይጠቀማሉ ተብሎ ይገመታል። የዉሃዉ ምንጭ ጥንቃቄ ስለማይደረግለትም ኢትዮጵያን ጨምሮ በተለያዩ ሀገሮች የዉሃ አካላት መድረቃቸዉ እየታየ ነዉ። ጥናቶች ከወዲሁ እንደሚያመለክቱት እንደልብ ያለዋጋ በየወንዙና ባህሩ የሚፈሰዉ ዉሃ ከዓመታት በኋላ እንደተፈለገ ሊገኙ ከማይችሉ የተፈጥሮ ሃብቶች ተርታ ሊገባ እንደሚችል ነዉ።

ሸዋዬ ለገሠ

ተክሌ የኋላ

Audios and videos on the topic