1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

በኦሮምያ ዩኒቨርስቲዎች የተቋረጠው ትምህርትና የታሰሩ ተማሪዎች

በኦሮምያ ክልሎች ለአዲስ አበባና ለኦሮምያ ልዩ ዞን በመዘጋጀት ላይ ያለውን የተቀናጀ ማስተር ፕላን በመቃወም አመፅ ከተነሳ ወዲህ በአንዳንድ ዩኒቨርስቲዎች ተቋርጦ የነበረው ትምህርት እንደሚጀምር ተገልጿል ። በአንዳንድ አካባቢዎችም የታሰሩ ተማሪዎች ተለቀዋል ።

በተለይ በኦሮምያ ክልል በጉጂ ዞን በነገሌ ቦረና ከተማ ባለፈው ሳምንት ማክሰኞ ከታሰሩት መካከል አብዛኛዎቹ ተለቀው 2ቱ እስካሁን እንዳልተፈቱ ነዋሪዎች ሲናገሩ ፖሊስ ግን የታሰሩት በሙሉ ተለቀዋል ይላል ። አንድ የከተማዋ ነዋሪ ሰዎቹ እንዴት እንደተያዙ ለዶቼቬለ ገልፀዋል ።የተያዙትም በከተማዋ የሚገኝ የነርሶች ማሰልጠኛ ትምህርት ቤት ተማሪዎችና አንዳንድ የከተማ ነዋሪዎች መሆናቸውን የገለፁት እኚሁ ነዋሪ ባላቸው መረጃ መሰረት እስከ ትናንት ድረስ ሁለት አልተለቀቁም።የነገሌ ቦረና ፖሊስ ጣቢያ ሃላፊ ኢንስፔክትር ኤዶም ዱባ እንደተናገሩት ደግሞ የተያዙት ሰዎች ቁጥር 48 አይደለም ። የታሰሩት በሙሉም ተለቀዋል ።በሌላ በኩል በኦሮምያ ክልል በአመፅ ምክንያት ትምህርት አቋርጠው ከነበሩ የዩኒቨርስቲዎች ማህበረሰብ አባላት ጋር ውይይት መደረጉን የኦሮምያ ምክር ቤት አስታውቋል ። ተማሪዎቹ የተቃወሙት በአአ ዙሪያ የሚገኙትን ሱሉልታ ቡራዩ መናገሻ ና የመሳሰሉትን ከተሞች ያካተተውን የአዲስ አበባና የኦሮምያ ሉዩ ዞኖች የተቀናጀ ማስተር ፕላን ነው የጨፌ ኦሮምያ ምክር ቤት የኮምኒኬሽን ጉዳዮች ሃላፊ አቶ ደክሲሶ ሁሴን በተለይ በአምቦ ዩኒቨርስቲ ትምህርት ለመጀመር የሚያስችሉ ሁኔታዎች መመቻቸታቸውን ተናግረዋል ።አቶ ደክሲሶ ትምህርት መጀመሩን ግን አላረጋገጡም ።

ሂሩት መለሰ

ነጋሽ መሀመድ

Audios and videos on the topic

ተዛማጅ ዘገባዎች