1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ስፖርት

በታላቁ ሩጫ ለመጀመሪያ ጊዜ 2 ተሳታፊዎች ሞቱ

በአዲስ አበባ ለ17ኛ ጊዜ በተካሔደው የታላቁ ሩጫ የጎዳና ውድድር ሁለት ተሳታፊዎች ከዚህ ዓለም በሞት ተለዩ። አንደኛው ተሳታፊ ውድድሩን ካጠናቀቁ በኋላ ጊዮን ፋርማሲ አካባቢ በመውደቃቸው ወደ ሆስፒታል ቢወሰዱም ሕይወታቸው ማለፉን የታላቁ ሩጫ ሥራ አስኪያጅ አቶ ኤርምያስ አየለ ለዶይቼ ቬለ ተናግረዋል።

አውዲዮውን ያዳምጡ። 04:10

በ17ኛው ታላቁ ሩጫ2 ተሳታፊዎች ሞቱ

በ17ኛው ታላቁ ሩጫ ዛሬ አዲስ አበባ ውስጥ እድሜያቸው 61 ዓመት እና በ40ዎቹ መካከል የሚገኙ ሁለት ሯጮች ሕይወት ማለፉን የታላቁ ሩጫ ዋና ሥራ አስኪያጅ አቶ ኤርሚያስ አየለ ለዶይቸ ቬለ ገለጡ። የሞቱበትም ምክንያት ግን አልታወቀም። አንደኛው ተሳታፊ ውድድሩን ካጠናቀቁ በኋላ ጊዮን ፋርማሲ አካባቢ በመውደቃቸው ወደ ሆስፒታል ቢወሰዱም ሕይወታቸው ማለፉን ሁለተኛው ተሳታፊ ደግሞ በውድድር ወቅት ሰባተኛው ኪ.ሜትር አካባቢ ወድቀው መሞታቸውን ጨምረው ተናግረዋል። ሁለቱን ተሳታፊው ለሞት ያበቃቸውን ምክንያት ለማወቅ የአስክሬን ምርመራ እየተደረገ መሆኑን አቶ ኤርሚያስ አክለው ተናግረዋል።

በዘንድሮው የታላቁ ሩጫ የጎዳና ውድድር 44 ሺ ተሳታፊዎች ተካፍለዋል። በወንዶች የ10 ኪ.ሜ. ውድድር ሰለሞን ባረጋ፣ ሞገስ ጥዑማይ እና ዳዊት ፍቃዱ ከአንደኛ እስከ ሦስተኛ በመውጣት አሸንፈዋል። ዘይነባ ይመር፣ ግርማዊት ገብረእግዚሃብሄር እና ፎተን ተስፋዬ ደግሞ በሴቶች ምድብ አሸናፊ ሆነዋል። 

ማንተጋፍቶት ስለሺ

እሸቴ በቀለ

Audios and videos on the topic

ተዛማጅ ዘገባዎች