1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

በቤሻንጉል ጉሙዝ ክልል ኢቦላ ታይቶአል መባሉ እና ማስተባበያው

በማህበራዊ ድረ-ገጾች ላይ በኢትዮጵያ ሶስት የኢቦላ ተጠርጣሪ ህሙማን ተገኙ የሚል ደብዳቤ እየተሰራጨ ነው። የክልሉ ጤና ቢሮ ደብዳቤውን እንደማያውቀው የኢቦላ በሽታም በክልሉ አለመኖሩን አስታውቋል።

የኢትዮጵያ የምግብ የመድኃኒትና ጤና ክብካቤ አስተዳደርና ቁጥጥር ባለስልጣን በመውጫና መግቢያ ኬላዎች ክትትል እያደረገ መሆኑና በፍተሻው የኢቦላ ህመምተኞች አለመገኘታቸውን ገልጿል።
በቤኒሻንጉል ጉሙዝ ክልል መንግስት ጤና ጥበቃ ቢሮ ስም ጥቅምት 4/2007 ተጽፎ ወጣ የተባለው ደብዳቤ ''የኢቦላ ቫይረስ ህሙማንን ይመለከታል'' የሚል ርዕስ ተሰጥቶታል። 'የቢሻንጉል ጉሙዝ ክልል መንግስት ጤና ጥበቃ ቢሮ' የሚል ክብ ማህተም ያረፈበትና የጤናና ጤና ነክ አገልግሎቶች ጥራት ቁጥጥር የስራ ሂደት ባለቤት አቶ አየለ ጅራታ ስም የወጣው ደብዳቤ ፌስቡክን ጨምሮ የኢትዮጵያ ን ርዕሰ ጉዳዮች ይዘው በሚወጡ ድረ-ገጾች 'ሾልኮ የወጣው ደብዳቤ' በሚል ርዕስ በመዘዋወር ላይ ይገኛል።

Karte Äthiopien englisch

ለአሶሳ ሪፈራል ሆስፒታል እንደተጻፈ የሚገልጸው ይህ ደብዳቤ የቢሮው ጥምር የጤና ባለሙያዎች ቡድን በአሶሳ ሪፈራል ሆስፒታል ውስጥ ሶስት የኢቦላ ተጠርጣሪ ህሙማን መገኘታቸውን በስልክ ሪፖርት እንደተደረገ ያትታል። ''ህሙማኑን ለመርዳት የሚያስችል የህክምና ግብዓት በእጃችን ላይ የሌለ መሆኑ ታውቆ አስፈላጊው እርምጃ ሁሉ እንዲወሰድ እና ጥንቃቄ በተሞላበት ሁኔታ በድን አካላቸው እንዲቃጠል እና እንዲቀበር ስንል በጥብቅ እናሳስባለን።'' በማለት ይህ ደብዳቤ ይደመደማል።

የቢሻንጉል ጉሙዝ ክልል መንግስት ጤና ጥበቃ ቢሮ ምክትል ሃላፊ አቶ ዘካርያስ አዳሙ ስለ ደብዳቤው ተጠይቀው አናውቀውም የሚል ምላሽ ሰጥተዋል።

ኢትዮጵያ ከሌሎች ሃገሮች ጋር በምትዋሰንባቸው የድንበር አካባቢዎች የምግብ የመድኃኒትና ጤና ክብካቤ አስተዳደርና ቁጥጥር ባለስልጣን ፍተሻ ያደርጋል። የባለስልጣኑ ምክትል ዋና ዳይሬክተር አቶ መንግስተዓብ ወልደ አረጋይ እስካሁን ባደረጉት ክትትል የኢቦላ ህመምኛ አለማግኘታቸውን ይናገራሉ።

እሸቴ በቀለ

ተክሌ የኋላ

Audios and videos on the topic