1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

በቀድሞ የእስራኤል ጠቅላይ ሚኒስትር ላይ የተላለፈው ብይን

ኦልሜርት ጉቦ በመቀበል በቀረቡባቸው በሁለት የክስ ጭብጦች ከ6 ሳምንታት በፊት የጥፋተኝነት ብይን ተላልፎባቸው ነበር ። ኦልሜርት ላይ ትናንት ውሳኔ የተላለፈው ለሁለት ዓመታት ከተካሄደ የፍርድ ሂደት በኋላ ነው ። ኦልሜርት 160 ሺህ ዶላር የሚደርስ ጉቦ ተቀብለዋል ሲል ፍርድ ቤቱ አስታውቋል ።

ትናንት ቴላቪቭ ውስጥ ያስቻለው የእስራኤል ፍርድ ቤት በቀድሞው የእስራኤል ጠቅላይ ሚኒስትር ኤሁድ ኦልሜርት ላይ የ6 ዓመት እስራትና የ290 ሺህ ዶላር ቅጣት በይኗል ። የ68 ዓመቱ ኦልሜርት ጉቦ በመቀበል በቀረቡባቸው በሁለት የክስ ጭብጦች ከ6 ሳምንታት በፊት የጥፋተኝነት ብይን ተላልፎባቸው ነበር ። ኦልሜርት ላይ ትናንት ውሳኔ የተላለፈው ለሁለት ዓመታት ከተካሄደ የፍርድ ሂደት በኋላ ነው ። ኦልሜርት 160 ሺህ ዶላር የሚደርስ ጉቦ ተቀብለዋል ሲል ፍርድ ቤቱ አስታውቋል ። ርሳቸው ግን ጉቦ አልተቀበልኩም ሲሉ ተከራክረዋል ። ብይኑንም ይግባኝ እንደሚሉ ጠበቆቻቸው አስታውቀዋል ። ይግባኑ በፍርዱ ላይ ለውጥ ካላስከተለ በስተቀር ኦልሜርት በጎርጎሮሳውያኑ መስከረም 1 ፣ 2014 ዓመተ ምህረት ወህኒ ይወርዳሉ ተብሎ ይጠበቃል ። ኦልሜርት በጉቦ ቅሌት እስር የተበየነባቸው የመጀመሪያው የእስራኤል ጠቅላይ ሚኒስትር ናቸው ። ስለ ብይኑ የእስራኤል ሃይፋውን ወኪላችንን ግርማው አሻግሬን በስልክ አነጋግረናል ።

ግርማው አሻግሬ

ሂሩት መለሰ

ነጋሽ መሀመድ

Audios and videos on the topic