1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

በሱዳን ሰልፍ የወጡ ኢትዮጵያውያን መታሰራቸው 

በሱዳን የኢትዮጵያ ፌደራላዊ ዴሞክራሲያዊ ሪፐብሊክ ኤምባሲ የዳያስፖራ ክፍል ዲፕሎማት አቶ ሙክታር ሞሐመድ ሰልፉ መካሄዱን ከሰልፈኞቹም የታሰሩ እንዳሉ ለዶይቼቬለ ቬለ አረጋግጠዋል ። ሆኖም የሞተ ወይም የተጎዳ ሰው የለም ነው ያሉት ።

አውዲዮውን ያዳምጡ። 04:32

በሱዳን ሰልፍ የወጡ ኢትዮጵያውያን መታሰራቸው 

 የሱዳን መንግሥት ለመታወቂያ የጠየቃቸውን ከፍተኛ ክፍያ ኤምባሲው ተነጋግሮ እንዲያስቀንስላቸው ለመጠየቅ ሄደው የታሰሩት ኢትዮጵያን ቁጥር ከአንድ ሺህ እንደሚበልጥ ኢትዮጵያውያኑ ይናገራሉ ። ሆኖም በካርቱም የኢትዮጵያ ኤምባሲ የሞተ ሰው የለም የታሰሩትም ቁጥር 69 ነው ብሏል። ኤምባሲው የኢትዮጵያውያኑ ጥያቄ መልስ እንዲያገኝ ከሚመለከታቸው የሱዳን መንግሥት ባለሥልጣናት ጋር በመነጋገር ላይ መሆኑንም ለዶይቼቬለ አስታውቋል ። ኂሩት መለሰ ዝርዝር ዘገባ አላት 
ባለፈው አርብ  በካርቱም የኢትዮጵያ ኤምባሲ በተካሄደው ሰልፍ ላይ የተካፈሉት ቁጥር ወደ ሁለት ሺህ እንደሚደርስ ነው በሰልፉ ላይ የተገኙ አንድ እማኝ ለዶይቼቬለ የተናገሩት ። ሰልፉ የተካሄደውም ኢትዮጵያውያኑ በቅርቡ ለመታወቂያ ማውጫ የተጠየቁት ገንዘብ ከፍተኛ በመሆኑ የኢትዮጵያ ኤምባሲ ከሚመለከታቸው  የሱዳን መንግሥት ባለስልጣናት ጋር ተነጋግሮ እንዲያስቀንስላቸው አለያም አማራጭ መፍትሄ እንዲፈለግላቸው ለመጠየቅ ነበር ። 
ይሁንና  የኤምባሲ ሠራተኞች ወጥተው ካነጋገሯቸው በኋላ ውዝግብ ሲነሳ የመጣው ፖሊስ አብዛኛዎቹን አስሮ መውሰዱን በሰልፉ ላይ የተገኙ ስማቸው እንዲጠቀስ ያልፈለጉ ግለሰብ ለዶይቼ ቬለ ገልጸዋል ። በሱዳን የኢትዮጵያ ፌደራላዊ ዴሞክራሲያዊ ሪፐብሊክ ኤምባሲ የዳያስፖራ ክፍል ዲፕሎማት አቶ ሙክታር ሞሐመድ ሰልፉ መካሄዱን ከሰልፈኞቹም የታሰሩ እንዳሉ ለዶይቼቬለ ቬለ አረጋግጠዋል ። ሆኖም የሞተ ወይም የተጎዳ ሰው የለም ነው ያሉት  ። አቶ ሙክታር እንደገለጹት ኤምባሲው አስቀድሞ ለሰልፈኞቹ፣ ለጥያቄአቸው መልስ ለማግኘት እየጣረ መሆኑን እና ሰልፍ ማካሄድ እንደማያስፈልግም ነግሯቸው ነበር  ። አቶ ሙክታር፣ የታሰሩት 69 ገደማ ናቸው ቢሉም ዶይቼቬለ ያነጋገራቸው ስማቸው እንዲጠቀስ ያልፈለጉት ኢትዮጵያዊ የታሰሩት ቁጥር ከአንድ ሺህ በላይ መሆኑን ነው ለዶቼቤለ የተናገሩት ። ራድዮ ዳባንጋ ከአምስተርዳም የታሰሩት ቁጥር ከ500 እንደሚበልጥም ዘግቧል ። አቶ ሙክታር ግን ይህን አይቀበሉም ። 
ሱዳን ውስጥ በመታወቂያ ክፍያ መጨመር ምክንያት ችግር ላይ የወደቁት የመኖሪያ ፈቃድ የሌላቸው ኢትዮጵያውያን፣ የኢትዮጵያ ኤምባሲ በችግሩ ውስጥ እጁ አለበት ሲሉ ይከሳሉ ። ለዚህም እንደ ማስረጃ የሚያቀርቡት የሱዳን መንግሥት ባለሥልጣናትን ነው ።በሱዳን የኢትዮጵያ ኤምባሲ ግን ይህን ያስተባብላል ። ኤምባሲው ችግሩ መፍትሄ እንዲፈለግለት ጥረት ሲያደርግ መቆየቱን ነው የሚናገረው ። አሁንም ከዚህ ቀደም እንዳደረገው ለመፍትሄው ከሚመለከታቸው መሥሪያ ቤቶች ጋር በንግግር እና በቀጠሮ ላይ መሆኑን በኤምባሲው የዳያስፖራ ክፍል ዲፕሎማት አቶ ሙክታር መሐመድ ዋሬ ለዶቼቬለ ተናግረዋል ።

ኂሩት መለሰ

አርያም ተክሌ 

Audios and videos on the topic

ተዛማጅ ዘገባዎች