1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ባህል

ሻጭ እና ገዢ በቀላሉ በኢንተርኔት ሲገናኙ

ከቅርብ ዓመታት ጀምሮ ሻጭ እና ገዢ በድረ ገፆች ይገናኙ ጀምረዋል።እንዴት? የተለያዩ ድረ ገፆችን የሰራው ወጣት ያብራራልናል። በኢንተርኔት ግብይት የዛሬው ርዕሳችን ነው ።

እንደ ኢትዮጵያ ባሉ አዳጊ ሀገራትም ከጊዜ ወደ ጊዜ የኢትንተርኔት አገልግሎት ተጠቃሚው ቁጥር እየጨመረ ይገኛል። አብዛኞቹ ተጠቃሚዎች እንደ ፌስ ቡክ እና ኢሜል ያሉ የማህበራዊ መገናኛ ገፆችን ሲጎበኙበበለፀጉት ሀገራት የሚኖሩ ደግሞ ከዚህም ሌላ የበገበያያ ድረ ገፆችን በመጎብኘት ይገበያያሉ። የድረ ገፅ ባለሙያ የሆነው አርዓያ ላቀው ይህንን ኢትዮጵያ ውስጥ ከአራት ዓመታት በፊት ሲጀምር ለመኪና ፈላጊዎች እና ሻጮች አንድ ድረ ገፅ በመስራት ነው።

ምንም እንኳን አርዓያ ይህንን ከ4 ዓመት በፊት ሲጀምር፤ የኢንተርኔት ተጠቃሚውም ሆነ የመኪና ፈላጊው ቁጥር ከፍተኛ ባይሆንም፤ ገፁን የሚጎበኙ በርካታ ተጠቃሚዎች ግን ነበሩ ይላል ። ይህ ጥሩ መነሻ እንደሆነው የሚናገረው አርዓያ ዛሬ ሌሎች ሻጭ እና ገዢ የሚገናኙበት ድረገፆችንም ሰርቷል።

Araya Lakew

አርዓያ ላቀው

አርዓያ እንደገለፀልን ሶስቱን ድረ ገፆች የሚጎበኙ ሻጮችም ሆኑ ገዢዎች ለጊዜው በነፃ ነው የሚገለገሉት።ወደፊት ግን ልክ እንደ መኪና ድረ ገፁ ለሻጮቹ የተወሰነ ክፍያ ይጠይቃል። ተስፋዬ ለማ የመኪና ደላላ ነው። ይህንን ድረ ገፅ ካገኘ ጀምሮ መኪኖችንም ሆነ ቤቶችን በፍጥነት ለማሻሻጥ ድረ ገፁን ይጠቀምበታል።ይሁንና አብዛኛውን ጊዜ ደላላው ተስፋዬ ከገዢም ሆነ ሻጮች ጋር ሲገናኝ ችግሮች ይገጥሙታል። አንዱ ችግሩ የሰዎች የቀጠሮ አለማክበር ሲሆን ሌላው ትልቁ ችግር ደግሞ ክህደት ነው።

የድረ ገፅ ባለሙያው አርዓያ ብዙም ከዚህ ችግር ጋ አይጋፈጥም። እሱ የድረ ገፅ ስራው ላይ ሲያተኩር አብሮት የሚሰራው ሚኪያስ ገብረ እየሱስ ደግሞ ከንግድ ደንበኞች ጋር በቅርበት ይሰራል።እነ ሚኪያስ ሁለቱን አካላት ስለገበያው ዓላማ ከማስተዋወቅና ማሳመን ስራ ውጪ እግረ መንገዳቸውንም ገፃቸው ላይ ስለሚያወጡት ማስታወቂያ ለማጣራት የሚሞክሩበት መንገድ እንዳለ ሚኪያስ ገልፆልናል።ከዚህ ባለፈ ድረ ገፁ ላይ ስለሚወጡት መኪናዎችም ሆነ ቤቶች ሙያዊ ዕውቀት እንዲኖረን ማወቅ አይጠበቅብንም የሚለው አርዓያ አሁን ባለው ሁኔታ ላይ ተመርኩዞ ወደፊት በተለይ አዲሱ ትውልድ ከቤቱ ሆኖ የሚፈልጋቸውን ነገሮች በኢትንተርኔት እንደሚገበያዩ አርዓያ ባለ ሙሉ ተስፋ ነው።

ከድረ ገፅ ባለሙያ አርዓያ ላቀው ፤ አብሮት ከሚሰራው ሚኪያስ ገብረ እየሱስ እና ይህንን ድረ ገፅ መኪናዎችን ለማሻሻጥ ከሚጠቀመው ደላላ ተስፋዬ ለማ ጋር የነበረንን ቆይታ ከድምፅ ዘገባው ያገኙታል።

ልደት አበበ

ነጋሽ መሀመድ

Audios and videos on the topic