ሺ ቺንፒን አዲሱ የቻያና ኮምኒስት ፓርቲ መሪ | ዓለም | DW | 08.11.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

ሺ ቺንፒን አዲሱ የቻያና ኮምኒስት ፓርቲ መሪ

ምዕራቡ አለም በቻይና ንግድና የሰብአዊ መበት አያያዝ ላይ ለሚሰነዝረው ትችት እንግዳ አይደሉም ። ሺ በምዕራባውያን መገናኛ ብዙሃን ይበልጥ የሚታወቁት ሜክሲኮን በጎበኙበት ወቅት ፣ ቻይናን ከመውቀስ በቀር ሌላ ሥራ የሌላቸው ሲሉ ምዕራባውያንን በተቹበት አባባላቸው ነው ።

ባለፉት 5 አመታት የቻያና ኮምኒስት ፓርቲ ምክትል ፕሬዝዳንት ሆነው ያገለገሉት ሺ ቺንፒን ተሰናባቹን ሁ ጂንታውን በመተካት የፕሬዝዳንትነቱን ሥልጣን ተረክበዋል ።

ምንም እንኳን አዲሱ የቻይና ኮምኒስት ፓርቲ ፕሬዝዳንት ሺ ለ 5 አመታት በምክትልነት ቢሰሩም የፖለቲካ አቅጣጫቸው ግን አሁንም ግልፅ እንዳልሆነ ነው የሚነገረው ። ለመሆኑ ሺ ቺንፒን ማናቸው ቀጣዩ የማቲያስ ቦሊንገር ዘገባ በማንንነታቸው ላይ ያተኩራል ።

FILE - In this March 13, 2009 file photo, Chinese President Hu Jintao, left, chats with Vice President Xi Jinping as they leave the Great Hall of the People after the closing ceremony of the National People's Congress in Beijing, China. Chinese Vice President Xi has been promoted to vice chairman of a key Communist Party military committee, state media reported Monday, Oct. 18, 2010, in the clearest sign yet he is on track to be the country's future leader. (AP Photo/Andy Wong, File)

በቻይናው ፕሬዝዳንት በሁ ጂንታው ሥር አዲሱ ትውልድ የዛሬ 10 አመት ሥልጣን ሲይዝ የ ሁ ማንነት የአለም አቀፍ መገናኛ ብዙሃን ጥያቄ ነበር ። ፓርቲያቸው ይፋ ካደረገው ግለ ህይወታቸው ውጭ የሁ ማንነት ያኔም ሆነ ከ10 አመት በኋላ አሁን እምብዛም አይታወቅም  ። ዛሬም እንደዛሬ 10 አመቱ ስለተተኪያቸው ስለ አዲሱ የቻይና ኮምኒስት ፓርቲ ፕሬዝዳንት ሺ ቺንፒን ተመሳሳይ ጥያቄ እየቀረበ ነው ። አሁን ግን ጥያቄውን የሚያቀርቡ ቻይናውያን መልስ ያገኛሉ ። የታዋቂዋ አቀንቃኝ ፔንግ ሊዩዋና ባለቤት ናቸው ። የሃገር ፍቅር በሚገለጣባቸው ዘፈኖቻቸው የሚታወቁት ፔንግ የሺ ሁለተኛ ባለቤት ናቸው ። ከትዳር ታሪካቸው ውጭ ሺ እምብዛም ጎልቶ የሚታወቅ ስብዕና የላቸውም ። ዊኪሊክስ

የተባለው ድረ ገፅ ከዩናይትድ ስቴትስ ኤምባሲ ባገኘው መረጃ ሺ ን ምኞተ ብዙ ፣ የልሂቅ ቤተሰብና የተግባር ሰው መሆናቸውን ይገልፃል ። ሺ በምዕራባውያን መገናኛ ብዙሃን ይበልጥ የሚታወቁት ግን ሜክሲኮን በጎበኙበት ወቅት ፣ ቻይናን ከመውቀስ በቀር ሌላ ሥራ የሌላቸው ሲሉ ምዕራባውያንን በተቹበት በዚህ አባባላቸው ነው  ።

«የተሳለቹና ምንም የማይሰሩ የውጭ ዜጎች ጣታቸውን ቻይና ላይ ከመጠቆም በስተቀር ሌላ ሥራ የላቸውም ። አንደኛ እኛ አብዮት ወደ ውጭ አንልክም ፣ ሁለተኛ ረሃምብ ሆነ ድህነትን ወደ ውጭ አንልክም ፣ በሶሶተኛ ደረጃ በሌሎች ጉዳዮች ጣልቃ አንገባም ። እና ምንድነው የምትፈልጉት ? »  

በዚህ አነጋጋሪ ትችታቸው የሚታወቁት ሺ እጎአ በ 1953 አም ነው የተወለዱት ። አባታቸው አብዮታዊ ጀግና ነው የሚባሉት ። ያደጉት በኮምኒስት ልሂቃን ስብስብ ውስጥ ነው ። ዘር ማንዘራቸው ሁሉ የፓርቲው ባለሥልጣናት የሆኑት ሺ በታዛቢዎች ዘንድ የፓርቲው ልዑል ነው የሚባሉት ። አባታቸው እጎአ በ1960 ዎቹ በቻይና ኮምኒስት ፓርቲ ውስጥ በተፈጠረ ችግር ለአመታት ወሂኒ ወርደው ነበር ። በሚሊዮኖች እንደ ሚቆጠሩ ወጣት ቻይናውያን በቻይናው የባህል አብዮት ወደ ገጠሪቱ ቻይና ተልከው ነበር ። በሻንሺ ክፍለ ሃገር ውስጥ በሚገኝ የገጠር መንደር አመታት አሳልፈዋል ።

Xi Jinping, Zhejiang Province Communist Party Secretary, is shown Tuesday Sept. 19, 2006 in Hangzhou, China. Shanghai's new boss was described by U.S. Treasury Secretary Henry Paulson as a guy who really knows how to get over the goal line. Yet at home, Xi Jinping is chiefly regarded as a princeling, the label assigned to the politically influential sons and daughters of leaders who are being positioned for higher office ahead of a key Communist Party congress this fall. (AP Photo/Eugene Hoshiko)

ቤይጂንግ እንደተመለሱም ወደ ፖለቲካው አለም ዘልቀው ገቡ ። የኮምኒስት ፓርቲ አባል ሆኑ ። ያኔ አባታቸው ታስረው ነበር ። በቻይና ጦር ኃይል ሥራ የጀመሩት ሺ የመከላከያ ሚኒስትሩ ጌንግ ብያዮ ረዳት እስከመሆኑ ደረሱ ። ከዚያም የፓርቲው ፀሃፊ ሆኑ ። ለባህርዳርቻዎቹ የዝሄቺያንግ ና የፉጅያን ክፍላተ ሃገር አገረ ገዥነትም ተመረጡ ። መንግሥት ግዙፍ ሥራዎች በሚያከናውንበት በቻይና በነዚህ ጊዜያትም የግሉን ዘርፍ ፍላጎት በማዳመጥ ዝና አትርፈዋል ። በ2007 የፖሊት ቢሮ አባል በመሆን ምክትል ፕሬዝዳንት ሆኑ ። ሺ በምእራባውያን ግልፅ ተደርገው ነው የሚወሰዱት ። ሴት ልጃቸው ሃርቫርቫርድ አሜሪካን ስሟ ተቀይሮ ትምህርቷን እየተከታተለች ነው ። በወጣትነታቸው አሜሪካንን ተዘዋውረው አይተዋል ። ምዕራቡ አለም በቻይና ንግድና የሰብአዊ መበት አያያዝ ላይ ለሚሰነዝረው ትችት እንግዳ አይደሉም ። በቅርቡ አሜሪካንን በጎበኙበት ወቅት ቻይና በሰብአዊ መብት አያያዝ ረገድ ብዙ ፈተናዎች እንዳሉባት የተናገሩት ብዙዎችን አስገርሟል ።

« ቻይና ብዙ ህዝብ አላት ። የየክፍለ ሃገሩ እድገት በእጅጉ የተለያየ ነው ። በዚህ ሁኔታ  የሰብአዊ መብት ይዞታን ለማሻሻል ብዙ ፈተናዎች አሉ ። »

ማቲያስ ቦሊንገር

ሂሩት መለሰ

ተክሌ የኋላ

DW.COM

Audios and videos on the topic