1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

ስጋት ያጠላበት የየመን የፀጥታ ይዞታ

በየመን ዋና ከተማ ሰንዓ በዛሬዉ ዕለት በደረሰ አጥፍቶ ጠፊ ቦምብ ፍንዳታ ከ40 በላይ ሰዎች ህይወት መጥፋቱንና ከ70 በላይም መጎዳታቸዉን የሀገሪቱን የጤና ጥበቃ ሚኒስትር የጠቀሱ ዘገባዎች ያመለክታሉ።

በያዝነዉ ሳምንት በመዲና ሰንዓ ተመሳሳይ የአጥፍቶ ጠፊ ጥቃት ሲደርስ የዛሬዉ ሁለተኛ መሆኑ ነዉ። ጥቃቱ ፣ የሁቲ ዓማፅያን ቡድን ያካሄዱትን ተቃውሞ ዒላማ ያደረገ ነበር።ከዚህም ሌላ በሀገሪቱ ደቡብ ምስራቅ ክፍለ ሃገር በሚገኝ ሃዳርሙት በተባለ ስፍራም በአጥፍቶ ጠፊ ጥቃት 19 የመንግስት ወታደሮች መገደላቸዉ ተዘግቧል። የመን ከጎርጎሪዮሳዊዉ 2011,ም አንስቶ ከገባችበት የፖለቲካ ዉዝግብ ወጥታ የተጠናከረ መንግስት መመስረት እንደተሳናት እየታየ ነዉ። በዚህ ሳምንት የሀገሪቱ ፕሬዝደት በጠቅላይ ሚኒስትርነት የሰየሟቸዉ ፖለቲከኛም ተቀባይነት እና እውቅና ያላገኙት የፕሬዚደንታዊው ጽሕፈት ቤት ኃላፊ አህመድ አዋድ ቢን ሙባረክ ጥቃቶቹ ከመጣላቸው ከጥቂት ሰዓታት በፊት ሥልጣናቸውን መልቀቃቸውን አስታውቀዋል። የየመንን ወቅታዊ ሁኔታ አስመልክታ ሸዋዬ ለገሠ ሰንዓ የሚገኘዉን ተባባሪ ዘጋቢ ግሩም ተክለሃይማኖትን በስልክ አነጋግራዋለች። ግሩም የደረሰዉን የቦምብ ጥቃትና የጸጥታዉን ሁኔታ አስመልክቶ በማብራራት ይጀምራል።

ግሩም ተ/ሃይማኖት

ሸዋዬ ለገሠ

Audios and videos on the topic

ተዛማጅ ዘገባዎች