1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ስለ ኢትዮ-ኤርትራ ግጭት መግለጫ እና የተቃዋሚዎች አስተያየት

የኢትዮጵያ የኮምኒኬሽን ጉዳዮች ሚኒስትር ዛሬ አዲስ አበባ ውስጥ ለሃገር ውስጥ እና ለውጭ ጋዜጠኞች በሰጡት መግለጫ የኤርትራ ኃይሎች ባለፈው እሁድ በኢትዮጵያ ይዞታዎች ላይ በመተኮሳቸው የኢትዮጵያ ወታደሮች የአፀፋ እርምጃ መውሰዳቸውን ተናግረዋል ።

አውዲዮውን ያዳምጡ። 03:44

መግለጫ ስለ ኢትዮ-ኤርትራ የድንበር ግጭት



የኢትዮጵያ ጦር በዚህ ሳምንት መጀመሪያ ላይ በኤርትራ ላይ ጥቃት የሰነዘረው ከኤርትራ ኃይሎች በኩል በደረሰበት ትንኮሳ መሆኑን ኢትዮጵያ ዛሬ አስታወቀች ።የኢትዮጵያ የኮምኒኬሽን ጉዳዮች ሚኒስትር ጌታቸው ረዳ ዛሬ አዲስ አበባ ውስጥ ለሃገር ውስጥ እና ለውጭ ጋዜጠኞች በሰጡት መግለጫ የኤርትራ ኃይሎች ባለፈው እሁድ በኢትዮጵያ ይዞታዎች ላይ በመተኮሳቸው የኢትዮጵያ ወታደሮች የአፀፋ እርምጃ መውሰዳቸውን ተናግረዋል ።የኢትዮጵያ መንግሥት ለኤርትራ ትንኮሳ በአፀፋው ተመጣጣኝ እርምጃ ወስጃለሁ ማለቱን ተቃዋሚዎች የትኩረት አቅጣጫን ማስቀየሪያ ሲሉ አጣጣሉ። ዶቼ ቬለ ያነጋገራቸው ዋና ዋና የሚባሉ የኢትዮጵያ ተቃዋሚ ፓርቲዎች ግጭቱን አስመልክተው በሰጡት አስተያየት በሕዝብ እና በሀገር ሉዓላዊነት ላይ መቀለድ ነው የተያዘው ሲሉ ተችተዋል። አንዳንዶቹ በሁለቱ ሃገራት መካከል ያለዉ ችግር በሰላማዊ መንገድ እንዲፈታ ሃሳብ አቅርበዋል።ጋዜጣዊ መግለጫውን የተከታተለው የአዲስ አበባው ዘጋቢያችን ጌታቸው ተድላ ኅይለ ጊዮርጊስ ዘገባ ልኮልናል ።ተቃዋሚዎችን ያነጋገረው የአዲስ አበባው ዘጋቢያችን ዮሐንስ ገብረ እግዚአብሕርም ዝርዝር አለው።

ጌታቸው ተድላ ኃይለ ጊዮርጊስ
ዮሐንስ ገብረ እግዚአብሕር
ኂሩት መለሰ
ሸዋዬ ለገሰ

Audios and videos on the topic