1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ስለ አቶ መለስ የጤና ሁኔታ የመንግስት መግለጫ

በህመም ሳቢያ የዕረፍት ጊዜ እንዲወስዱ ሀኪም እንዳዘዘላቸው የተነገረላቸው የኢትዮጵያ ጠ/ሚንስትር አቶ መለስ ዜናዊ፣ በሌሉበት አገሪቱን የሚያስተዳድራት ማን ነው የሚል ጥያቄ መቅረቡን ፣ የፖለቲካ ተንታኞች በዛሬው ዕለት ገለጡ።

meles im sessel.jpg Ethiopian Prime Minister Meles Zenawi is seen at his offices in the capital, Addis Ababa, Wednesday, Jan. 10, 2007. Zenawi said Wednesday that a U.S. airstrike in Somalia had not killed any civilians and, in his opinion, would not help create an Iraq-style insurgency or hinder efforts to build a peacekeeping force in the country. (AP Photo/Les Nauheus)

በህመም ሳቢያ የዕረፍት ጊዜ እንዲወስዱ ሀኪም እንዳዘዘላቸው የተነገረላቸው የኢትዮጵያጠ/ሚንስትር አቶ መለስ ዜናዊ፣ በሌሉበት አገሪቱን የሚያስተዳድራት ማን ነው የሚል ጥያቄ መቅረቡን ፣ የፖለቲካ ተንታኞች በዛሬው ዕለት ገለጡ።
የአቶ መለስ መንግሥት ፣ የጎሣ ፌደራሊዝምን የፖለቲካ አመራር ዘይቤው ቢያደርግም፤ የማዕከላዊው አስተዳደር ጥብቅ ቁጥጥር፤ በገዥው ፓርቲ እጅ ነው ሲል AFP አስታውቋል። በህገ-መንግሥቱ መሠረት፣ ጠ/ሚንስትሩ በማይኖሩበት ጊዜ ፣ ምክትል ጠ/ሚኒስትሩ ናቸው ወክለው መሥራት የሚጠበቅባቸው።
ስለ ጠቅላይ ሚንስትር መለስ ጤንነት ይዞታ በተናፋሽ ወሬ ብዙ የሚባል ቢኖርም፤ ትናንት የኢትዮጵያ ባለሥልጣናት፤ የ 57 ዓመት ዕድሜ ያላቸው አቶ መለስ፤ ጤንነታቸው ተመልሶአል ወይም ተስተካክሏል ሲሉ ጋዜጣዊ መግለጫ ሰጥተዋል። የኢትዮጵያ የመገናኛ ዘዴዎች(Communication )ሚንስትር አቶ በረከት ስምዖን---

«የጤንነታቸው ይዞታ በጣም ጥሩና የተመለሰላቸው ሲሆን፣ ከዚህ በተጨማሪ ፣ ጠ/ሚንስትሩ፣ ባለፉት ዐሠርተ-ዓመታት ፣ በመንግሥት ሥራ ጫና ፣ በተለይ በቅርብ ጊዜያት ፣ --እንዲሁም በዓለም አቀፍ መድረኮች ባላቸው ድርሻ ምክንያት፣ --ሀኪሞቻቸው፣ ሥራ አቁመው ዕረፍት ያደርጉ ዘንድ መክረዋቸዋል። ለአናንተ የምነግራችሁ የጤንነታቸው ይዞታ በጠሙን የተመለሰላቸውና በጥሩ ሁኔታ እንደሚገኙ ነው። ከጥቂት ቀናት ፣ የሥራ መቅረት በኋላ፣ ወደ ጽ/ቤታቸው ተመልሰው የመንግሥት ተግባራቸውን ያካሂዳሉ።»
ጌታቸው ተድላ ኃይለ ጊዮርጊስ
ሂሩት መለሰ
ነጋሽ መሃመድ

Audios and videos on the topic