1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ሳይንስ እና ኅብረተሰብ

ስለሳይንስና ሥነ-ቴክኒክ ፣ ምክር ከታዋቂ መምህር፤

ትምህርት ፣ በተለይም ሥነ ፍጥረታዊ የሳይንስ ዘርፎች፣ ሂሳብና «ኢንጂኔሪንግ»ንም ጨምሮ ፣ ለኤኮኖሚም ሆነ አጠቃላይ ግንባታ መሠረቶች መሆናቸው እሙን ነው።

የተለያዩ ማዕድናትና ጥሬ ሀብቶች ባሏቸው አገሮች ዕውቀት ሲስፋፋ ፤ ዕድገቱ እጅግ ሊፋጠን ይችላል። አንዳንድ አገሮች ደግሞ አሉ፣ ፤ እንደ ጃፓንና ጀርመን የመሳሰሉ። ትልቁ ሀብታቸው ፣ ትምህርት ፣ ምርምር ፣ በተለይም ከፍተኛ የሳይንስ ምርምር ነው። የኢንዱስትሪ ምርቶቻቸው የዓለምን ገበያ፣ የሚያጥለቀልቀውም ፣ ኩባንያዎቻቸውና ከፍተኛ የትምህርት ተቋማቱ፤ ለአዳዲስ የፈጠራ ሥራዎች የሚፈለጉ ወጣቶችን በማስተማር ጠንካራ ድጋፍ ስለሚሰጡ ነው። ይህን ከሞላ -ጎደል ኀያላኑ መንግሥታት ሁሉ ይፈጽሙታል። አንድ ጥሩ ምሳሌ፤ ባለፈው ኅዳር ፤ የአሜሪካው ፕሬዚዳንት ባራክ ኦባማ፤ በሳይንስ ፣ ሂሳብና ኢንጂኔሪንግ በማስተማር ለታወቁ ለ 9 ከፍተኛ የትምህርት ተቋማት ፕሮፌሰሮችና ሌሎችም ባለሙያዎች ሽልማት መስጠታቸው ነው። ሽልማቱን ከተቀበሉት መካከል፤ሳይንስ በተለይም ፊዚክስ ኢትዮጵያን ለመሰለ አዳጊ ሀገር ሊሰጥ ስለሚችለው ጠቀሜታ ያነጋገርናቸው የዛሬው የሳይንስና ኅብረተሰብ ዝግጅት እንግዳችን ፣ ዩናይትድ እስቴትስ ውስጥ ፣ በሰሜን ካሮላይና ፌደራል ክፍለ ሀገር የግብርናና ቴክኒክ ዩኒቨርስቲ ፕሮፌሰር ሰሎሞን ቢልልኝ ናቸው።

ተክሌ የኋላ

አርያም ተክሌ

Audios and videos on the topic