1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

ርዕሰ ሊቃነ ጳጳሳት የገና በዓል መልክት

የገና ወይም የኢየሱስ ክርስቶስ የልደት በዓል የጎሮጎሮሳዉያኑን የቀን አቆጣጠር በሚከተለዉ የክርስትና እምነት ተከታይ ዘንድ ዛሬ በመከበር ላይ ነዉ። በዓሉን ምክንያት በማድረግ የተለያዩ ሐገራት የሐይማኖት መሪዎችና ፖለቲከኞች ለየተከታዮቻቸዉ መንፈሳዊና ዓለማዊ መልዕክት አስተላልፈዋል።

 

የካቶሊካዊት ቤተ-ክርስቲያን ርዕሰ ሊቃነ ጳጳሳት ፍራንሲስ በዓመታዊዉ እና ባህላዊዉ የገና ንግግራቸዉ በሶርያ እየተካሄደ ስላዉ አሰቃቂ የሰብዓዊ እልቂት ላይ ነበር ያተኮሩት። ርዕሰ ሊቃነ ጳጳሳቱ እንደተናገሩት በሶርያ የሲቪል ማኅበረሰቡ አስቸኳይ ርዳታ ይሻል፤ የርስ በርስ ጦርነት በተዘፈቀችዉ ሃገር በሶርያ የሲቪል ማኅበረሰቡ ላይ እየተካሄድ ያለዉ የሰብዓዊ ጥሰቶች ይቁሙ ሲሉ በቫቲካን ቅዱስ ፔተር አደባባይ ላይ ለተሰበሰበዉ ወደ 40,000 የሚጠጉ ምዕምናን በታደሙበት ተናግረዋል።  ርዕሰ ሊቃነ ጳጳሳት ፍራንሲስ በአዉሮጳ በተለያዩ ጊዜያቶች በተፈፀሙ የሽብር ጥቃቶች የተገደሉ ሰለቦችንም በፀሎታቸዉ አስበዋል። ርዕሰ ሊቃነ ጳጳሳት ፍራንሲስ ኡርቢ ኤታ ኦርቢ» «ለከተማዉና ለዓለም» የተሰኘዉን ዓመታዊ የገና መልእክት አስተላልፈዋል።

 

አዜብ ታደሰ

እሸቴ በቀለ