ማንዴላ «ላይመጡ ሔዱ» | አፍሪቃ | DW | 06.12.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

ማንዴላ «ላይመጡ ሔዱ»

የደቡብ አፍሪቃ የነፃነት ታጋይና የቀድሞ ፕሬዝዳት ኔልሳን ማንዴላ በመሞታቸዉ ከዓለም የሚወጣዉ የሐዘን መግለጫ እንደቀጠለ ነዉ።የደቡብ አፍሪቃዉ ፕሬዝዳት ጄኮብ ዙማ «ሐገራችን ታላቅ ልጅዋን አጣች፣ ሕዝባችን አባቱን አጣ» ብለዋል።ከማንዴላ የዓለም ታላቅ የሠላም ሽልማት ኖቤል የተጋሩት የመጨረሻዉ የደቡብ አፍሪቃ ነጭ ፕሬዝዳት ፍሬድሪክ ደ ክላርክ ከማንዴላ ጋር የፖለቲካ ልዩነት ቢኖረንም አብሬ በመስራቴ ታላቅ ክብር ይሰማኛል ብለዋል።የዩናይትድ ስቴትስ ፕሬዝዳት ባራክ ኦቦማ እንዳሉት ደግሞ ኔልሰን አብነታዊ ምግባር ባይኖር ኖሮ የራሴን ሕይወት በዚሕ መንገድ ማሰብ አልችልም ነበር።የሩሲያዉ ፕሬዝዳት ቭላድሚር ፑቲን በበኩላቸዉ «በዘመናዊዉ የዓለም ታሪክ ካታላላቅ ፖለቲከኞች አንዱ» በማለት አድንቀዋቸዋል።ሌሎችም እንዲሁ።ማንዴላ ደቡብ አፍሪቃን ከዘር መድሎ ሥርዓት ለማላቀቅ ግማሽ እድሜያቸዉን የታገሉ፥ ሃያ-ሰባት ዓመታት የታሠሩ፥ በስተመጨረሻም በሁሉን ዘር አቀፍ ምርጫ ሥልጣን የያዙ የመጀመሪያዉ የደቡብ አፍሪቃ ፕሬዝዳት ነበሩ።ማንዴላ ያረፉት ትናንት ማታ ነዉ።95 ዓመታቸዉ ነበር።

ነጋሽ መሐመድ