1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

ሕገወጥ አዘዋዋሪዎችና የአውሮጳ ኅብረት ዕቅድ

ከተለያዩ የዓለማችን ክፍሎች በተለይም ከአፍሪቃ በሊቢያ በኩል የሜድትራኒያን ባሕር አቋርጠዉ ወደ አውሮጳ የሚጓዙ ስደተኞች ቁጥር እየተበራከተ ነው። በዛው መጠን ባሕር ውስጥ ሠጥመው የሚያልቁት ስደተኞችም በርካቶች ናቸው። እጅግ አደገኛውን የባሕር ላይ ጉዞ የሚያደራጁት ሕገወጥ የሰዎች አዘዋዋሪዎች ናቸው።

ባለፈዉ ወር የሜድትራኒያንን ባሕር ለማቋረጥ ሲሞክሩ ከ800 በላይ ስደተኞች ካለቁ ወዲሕ የአውሮጳ ኅብረት ስደተኞቹን በሚያሸጋግሩ ነጋዴዎች ላይ የኃይል ርምጃ ለመውሰድ የሚያስችለውን ዕቅድ ነድፏል።ዕቅዱን ገቢር ለማድረግ ሕጋዊ ተቀባይነት እንዲኖረው የተባበሩት መንግሥታት የፀጥታው ጥበቃ ምክር ቤትን ጠይቋል። ዕቅዱ ተግባራዊ ከሆነ የአውሮጳ ኅብረት በሜዲትራኒያን ባሕር ላይ የተሰማሩ ሕገወጥ የሰዎች አዘዋዋሪዎች ላይ ወታደራዊ ጥቃት መሰንዘር ያስችለዋል። ስደተኞችን ለአውሮጳ አባል ሃገራት በኮታ መልክ ማደላደልን በተመለከተ ለመምከር የሕብረቱ አባል ሃገራት የሀገር ውስጥ ጉዳይ ሚንሥትሮች ነገ ብራስልስ ውስጥ እንደሚሰባሰቡ ተገልጧል። የብራስልሱ ወኪላችን ገበያው ንጉሤ የሚከተለውን ዘገባ ልኮልናል።

ገበያው ንጉሤ

ማንተጋፍቶት ስለሺ

ነጋሽ መሐመድ

Audios and videos on the topic