ማብቂያ የለሹ የደቡብ ሱዳን ቀውስ 

የእርስ በእርስ ግጭት ለዓመታት ያመሳቀላት የደቡብ ሱዳን መንግሥት እና ተቃዋሚዎችን የሠላም ስምምነት ንግግር ለማስጀመር የፊታችን ሐሙስ ሳምንት አዲስ አበባ ውስጥ ቀጠሮ ተይዟል። ይኽ በእንዲህ እንዳለ ግብጽ ደቡብ ሱዳንን ጨምሮ በአካባቢው የተለየ ሚና በመጫወት ላይ ትገኛለች። የፖለቲካ ተንታኞች ግብጽ ደቡብ ሱዳን ላይ ባልተለመደ መልኩ ዲፕሎማሲያዊ እንቅስቃሴ መጀመሯ ኢትዮጵያን ያሰጋል ባይ ናቸው። የደቡብ ሱዳን ተፋላማዊዎች የሥምምነት ጉባኤ ሁሉንም ወገኖች አስማምቶ የተፈረመው እንደ ጎርጎሪዮስ አቆጣጠር ነሐሴ 15 ቀን 2015 ነበር። ዛሬም ድረስ ግን የሰላም ስምምነቱ ተግባራዊ ሳይኾን፤ የተቀናቃኞቹ ንግግርም ሳይቋጭ እንደተንጓተተ ነው። የዋሽንግተኑ ዘጋቢያችን መክብብ ሸዋ ቀጣዩን ዘገባ ልኮልናል። 

መክብብ ሸዋ
ማንተጋፍቶት ስለሺ
ኂሩት መለሰ