የጀርመን ዉጪ ጉዳይ ሚንስትር የኢትዮጵያ ጉብኝት

ዉጪ ጉዳይ ሚንስትር ሲግማር ጋብርኤል ከኢትዮጵያ ጠቅላይ ሚንስትር ኃይለ ማርም ደሳለኝ ጋር ዛሬ አዲስ አበባ ዉስጥ ከተነጋገሩ በኋላ እንዳሉት የኢትዮጵያ መንግሥት ቅሬታ ያላቸዉን ወገኖች ጥያቄ መመለስ አለበት።የኢትዮጵያ ልማት የሚድገዉ በተለይ የዉጪ ባለሐብቶች ኢትዮጵያ ዉስጥ የሚወርቱት በሐገሪቱ ፍትሐዊ ሥርዓት እና መረጋጋት አለብለዉ ሲያምኑ ነዉ።
«(የኢትዮጵያ መንግሥት) የአስቸኳይ ጊዜዉን አዋጅ እንዲያነሳና ከሁሉም በላይ ፖለቲካዊ ለዉጥ ለማድረግ የገባዉን ቃል ገቢር እንዲያደርግ ጠቅላይ ሚንስትሩን በድጋሚ አጥብቀን ጠይቀናል።በተለይ  ተገፍተናል የሚል ስሜት ያላቸዉ ወገኖች በፖለቲካዉ የመሳተፍ እንድል እንዲኖራቸዉ የተሐድሶ ለዉጥ ማድረግ አስፈላጊ ነዉ።እርግጥ ነዉ ከዚሕ ቀደም የምጣኔ ሐብት ርዳታ ለማድረግ አስታዉቀናል።ይሁንና መዋዕለ ንዋይ ከዉጪ ወደ ሐገሪቱ የሚፈሰዉ በሐገሪቱ ፍትሐዊ ሥርዓት መኖሩ፤የተረጋጉ ሁኔታዎች መኖራቸዉን ባለሐብቶች ሲያረጋግጡ ነዉ።እዚሕ የመጣነዉም ለዚሕ ነዉ።» የጀርመኑ ዉጪ ጉዳይ ሚንስትር ከኢትዮጵያ ጠቅላይ ሚንስትር በተጨማሪ ከተቃዋሚ ፓርቲ መሪዎች ጋርም ተወያይተዋል። ከመንግሥት ተቃዋሚ ፓርቲ አባላት ጋር ስለተካሄደዉ ዉይይት ቦታዉ ላይ የነበረዉን የአዲስ አበባዉን ወኪላችንን በስልክ ጠይቀንዉ ነበር።    

ነጋሽ መሃመድ 

ጌታቸዉ ተድላ ኃይለጊዮርጊስ
አዜብ ታደሰ

ሸዋዬ ለገሠ