የጀርመን ህገ መንግስት 60 ኛ ዓመት

ሁለተኛው የዓለም ጦርነት ካበቃ ከሶሶት ዓመት በኃላ የፀደቀው አንድ መቶ አርባ ስድስት አንቀፆችና አስር ምዕራፎች ያሉት ይኽው ህግ በተለያዩ ጊዚያት ማሻሻያዎች ተደርገውበታል ። ከነዚህም ውስጥ በጎርጎሮሳውያኑ የዘመን አቆጣጠር በ1956 የጀርመን መከላከያ ሰራዊት በጀርመንኛው አጠራር ቡንደስቬር ሲመሰረት ፣ በ1990 ምዕራብ እና ምስራቅ ጀርመን ሲዋሀዱ ፣ እአአ በ1972 ፣ በ1982 ፣ በ2005 ከመደበኛው የምርጫ ወቅት አስቀድሞ ምርጫ ሲጠራ የተደረጉት ለውጦች ይገኙበታል ። እነዚህን ለውጦች ጨምሮ 53 ያህል ማሻሻያዎች የተደረጉበት ይኽው ህገ እስከዛሬ በጀርመንኛው አጥራር Grundgesetz ወይም መሰረታዊ ህግ ነው የሚባለው የዚህን ምክንያትና ህጉ ከዛሬ ስልሳ ዓመት በፊት ከነበረው የጀርመን ህገ መንግስት የሚለይባቸውን ነጥቦች ፣ ጠንካራ እና ደካማ ጎኖቹን እንዲሁም አርአያነቱን እስከምን ድረስ እንደሆነ የፍራንክፈርቱን የህግ ባለሞያና የፖለቲካ ሳይንስ ምሁር ዶክተር ለማ ይፍራሸዋን አነጋግሬያቸዋል ። ዶክተር ለማ ከስያሜው ታሪካዊ አመጣጥ ይጀምራሉ

ሂሩት መለሰ

አርያም ተክሌ