የአዉሮጳ ምክር ቤት ምርጫ ፈረንሳይና ጉባኤ

ፈረንሳይ ዉስጥ ባለፈዉ ዕሁድ ለአዉሮጳ ሕብረት ምክር ቤት አባላት በተደረገዉ ምርጫ ቀኝ ፅንፈኛዉ ብሔራዊ ግንባር አብላጫ ድምፅ ማግኘቱ፤ የሐገሪቱን ፖለቲካዊ ጉዞ ግራ አጋቢ አድርጎታል።በመላዉ የሕብረቱ አባል ሐገራት በተደረገዉ ምርጫ ብሪታንያንና ጀርምንን በመሳሰሉ የሕብረቱ ትላልቅ አባል ሐገራት ቀኝ አክራሪዎች ያልተጠበቀ ዉጤት ቢያመጡም የፈረንሳይን ያክል ግን ትላልቅ ፓርቲዎችን ያስደነገጠ ዉጤት አላመጡም።በፈረንሳዩ ምርጫ ቀኝ አክራሪዎቹ ከፍትኛ ድምፅ ለማግኘታቸዉ ብዙዎች በሥልጣን ላይ ያለዉን የፕሬዳንት ፍራንሷ ኦሎንድን ሶሻሊስታዊ ፓርቲ ተጠያቂ ያደርጋሉ።የፓሪሷ ወኪላችን ሐይማኖት ጥሩነሕ አንዳድ የፓሪስ ነዋሪዎችን አነጋግራ የሚከተለዉን ዘገባ ልካልናለች-------ትናንት ብራስልስ-ቤልጂግ ተሰብስበዉ የነበሩት የአዉሮጳ ሕብረት አባል ሐገራት መሪዎችም ክፉኛ ካስደነገጣቸዉ ከሰሞኑን ምርጫ የቀደመ የመነጋገሪያ ርዕሥ አልነበራቸዉም።መሪዎቹ የሕብረቱ መርሕ ከአዲሱ ምርጫ ዉጤት ጋር የተጣጠመ የሚሆንበትን ሥልት የሕብረቱ ምክር ቤት እንዲያርቀቅ ሐላፊነት ሠጥተዉታል።የሕብረቱን ኮሚሽን የወደፊት ፕሬዝዳንት ለመምረጥ የሚወዛገቡ ወገኖችንም የምክር ቤቱ ፕሬዝዳናት እንዲያደራድሩ መሪዎቹ ተስማምተዋል።መሪዎቹ ከሕብረቱ ሥራና አሠራር በተጨማሪ የዩክሬንን ምርጫ ዉጤትና ቀዉስም አንስተዉ ተነጋግረዋል።የብራስልሱ ወኪላችን ገበያዉ ንጉሴ አጭር ዘገባ ሎኮልናል።

ሐይማኖት ጥሩነሕ

ገበያዉ ንጉሴ

ነጋሽ መሐመድ

ተክሌ የኋላ